|
 |
 |
 |
|
رقم المشاركة : ( 1 )
25 - 06 - 2017, 02:24 PM
|
|||||||||||
|
|||||||||||
|
عارف لما تبقى متشعبط في حلم جميل .. والحلم معصلج انه يتحقق .. بيوجعك .. مبهدلك من كتر ما هتموت وتنوله .. وانت مصمم وفاكر نفسك مختلف .. فاكر أنك المميز اللي ناموس الكون هيتغير عشان بس حلمت !! بتفضل متعلق بين خيال وواقع .. بتفضل حاسس انك لا طايل سما ولا أرض .. لغاية ما في لحظة تقع وتتخبط جامد .. الخبطة تعورك .. وتنزف جواك .. وتفضل تتمنى حد يطيب جرحك .. عشان ترجع تتشعبط في حلمك تاني .. تلاقي نفسك لوحدك .. لا حلمك بيتحقق .. ولا جرحك بيلتئم .. عايش لوحدك الهم .. فجأة بتفوق .. بتحس ان مينفعش تفضل مرخص نفسك .. بتحس نفسك عزيزة عليك .. ومفيش حلم يستاهل ان روحك تتسحب منك .. فتقرر تتخلص من حلمك .. تتخلص من وهمك .. تقلب الصفحة .. فبعد ما كانت الفكرة ديه بتموتك .. تحس فجأة .. خلاص كفاية عليه كدة .. مش مستاهلة وجع القلب .. فتقوم اقوى مما تتخيل .. وتلاقي جواك شغف عشان تعيش حياتك اللي كانت بتتسحب منك بالبطىء وتعوض كل اللي فاتك .. وقت ما كنت متعلق بين السما والأرض! مفيش أجمل من لحظة فوقان من حلم طوّل أوي جواك .. وقرارك انك تكمل حياتك من غير ما تستناه .. مفيش أجمل من استعادة الإنسان اللي فقدته وانت متخيل ان الحلبقى ممكن يكون واقع .. بس طلع انه لازم تنساه .. اقلب الصفحة .. هتبقى اقوى بمجرد ما تقلبها .. بس جرب ومتخفش .. 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| اقلب التربيزة |
| اقلب |
| اقلب الصفحة :) |
| من فضلك اخي اقلب الصفحة |
| شاهد الصفحة الاولى من جريدة اليوم السابع و عنوان غريب جدااا يتصدر الصفحة |
العرض الشجري