انا عارف انك مكسوف مني بس ازاي الاب يزعل من ابنه الغالي عليه انا معاك ورجائك فيا
لما كنت بتبكي كانت ايدي تحت خدك مستنيه دموعك تنزل عشان تجففها لان دموعك ديه غاليه عندي اوي
لما كنت مهموم كنت معاك وجمبك بقولك انا اهو حضني مفتوح ليك هيكفي كل همومك
لما كنت بتذاكر وتسهر وتتعب كنت حارسك وشايفك وكانت ملايكتي معاك والقديسين بيتشفعولك عندي
لما كنت مخنوق ومدايق وزعلان من الدنيا كنت مستنيك تجيلي واخدك في حضني وانسيك كل حاجه
لما كنت ضعيف قدام الخطايا كنت واقف قدامك وبقولك ثق فيا وفي كلامي وثق في محبتي ليك انا مش هسيبك
لما كنت نايم ودموعك علي خدك من ال مضايقك كنت جوه عيني وزعلان عليك وقاعد جمبك وبقولك متخفش انا معااااك مش هسيبك مهما اتعرضت لتعب وحمل وضيق في الدنيا ديه الالم ده مش هيجي اي حاجه في عيشتك في الملكوت مع ابوك الحنان
09 - 07 - 2012, 08:23 PM
العرض الشجري