قعدة واحدة مع متألم حقيقي، هاتنسيك كل الوعظات والآيات اللي أنت ماشي ترددها طول الوقت.. هاتفهمك قد ايه أنت عاجز عن انك تغير الواقع الصعب اللي ناس كتير عايشين فيه.. !
قربك من المتألمين واللي بيعانوا، هايسكّت لسانك "صاحب الوعود الأفلطونية" اللي عمال ينادي بالحياة السعيدة السهلة اللي مافيهاش وجع أو معاناة..
يمكن لما تتحط في المطحنة شوية، وتجرب يعني ايه وجع مابيروحش.. وجع محدش فاهمه غيرك.. وجع مش عارف تشرحه ولازم تعيش بيه "لوحدك".. ساعتها تقدر شوية تساعد حد متألم!
يمكن ساعتها تعتزل دور "الخادم"، وتعيش دور "الإنسان".. وساعتها هاتعرف تساعد بجد.
