|
 |
 |
 |
|
رقم المشاركة : ( 1 )
17 - 06 - 2017, 08:55 PM
|
|||||||||||
|
|||||||||||
 مافيش آلة زمن نرجع بيها لما قبل الضربة والطعنة والغدر والخيانة والتلفيق والزور والظلم مافيش زرار pause او delete ف قدامك حل من اتنين : يا تفضل مكمل تبقى ضحية سواء باستضعاف وتعب وألم ومرارة او برغبة انك تدّفع الكل تمن غلطته او انك تعاقب كل اللي تقابلهم عن غلط ما عملهوش وتبقي قاسي معاهم او انك تتعامل مع الخبرة السيئة وتحاول تبقى فوقيها..تفتكر مثلا انت أسأت في مين وهو سامحك ازاي وتحاول من الرصيد دة تدي لغيرك .. او انك تحسن من نفسك باللي تشوفه هي محتاجاه عشان بتحبها ..بتحب نفسك..مش عشان تثبت لحد اي حاجة او انك تقول ب غل : عشان يعرفوا انا مين وخسروني ازاي يوسف أخواته باعوه ..لا عمره نسي ولا حاجة ممكن تصلح اللي حصل ولا اي انتقام كان ممكن يعوض السنين السودة اللي شافها كان قدامه حلين : ينهزم قدام جرحه او يتفوق عليه حاجة واحدة أعترف بيها بتوجع شوية ..انك تشوف اللي أساء اليك ب شر مكمل ينجح بنفس إلتوائه وشره . مؤلم جداً خلاني غضبانة وثايرة..لماذا تنجح طرق الأشرار !! بس صوت جوايا نبهني..انتي يهمك مين شايفاه الناس ازاي ؟ ولا يهمك انا شايفك ازاي؟ يهمك احساسك بنفسك انك صادقة ولا تعب تمثيل انك صادقة ؟ اقتنعت مبدئيا يعني  وقولت برده انا ياما عوجت المستقيم ولم اجازى عليه..كله بوقته ..هاصبر في النهاية عايزة اقول مافيش حاجة هاتغير الماضي . مافيش حاجة تضيع طعم وذكرى الجرح غير انك تلاقي نفسك تعرف انت هنا ليه..ورايح فين ودي اسئلة بسيطة يادوب تاخد معظم عمرك )وممكن تلاقيها بسرعة ! عيش ! عيش بجد مش تمثيل .اللي ألمك ولا علي باله! ف عيش 
|
| أدوات الموضوع | |
| انواع عرض الموضوع | |
|
العرض الشجري