|
 |
 |
 |
|
رقم المشاركة : ( 1 )
16 - 06 - 2017, 07:42 PM
|
|||||||||||
|
|||||||||||
 واحد كاتب ع الفيس إن من حوالي خمس شهور ، في شهر مارس الكلام ده كان ايام هوجة الانفجارات ، وهو نازل من شغله وبيتكلم في التليفون ، وقع من ايده على السلالم والشاشه اتكسرت ، حاول يشغله لكن منفعش روح البيت وكان متضايق لإنه مكملش معاه شهر وكان سعره عالي حبتين لاقى ابوه بيقوله كلمتك ومردتش ، حكاله اللي حصل وابوه قاله الحمدلله انه اتكسر ، طلبتك اكتر من عشر مرات علشان تستلملي نتايج التحاليل من برج الأطباء وانت راجع في طريقك ومعرفتش اوصلك ولسه على النشرة بيقولوا لقوا قنبله مرمية جنب البرج وملحقوش يبطلوا مفعولها وناس اتصابت اصابات سطحية بس محدش مات فكرت ف القصة من زاوية تانيه ، إن يمكن ربنا أوقات بيسمح بكسر خاطرنا علشان ينجينا من جرح أو أصابة مؤكده • جايز يسمح بكسر خاطرك بحبيب يسيبك علشان ينجيك من اسلوبه الجارح بعد الجواز • جايز يسمح بكسر خاطرك في مجموع الثانوية العامة علشان يبعد عنك كلية مكنتش هتمشي فيها • جايز يسمح بكسر خاطرك بحلم كان نفسك تحققه علشان كان هيقلب بكابوس • جايز يسمح بكسر خاطرك بجنين يموت او تأخير في الإنجاب علشان يرحمك من طفل معاق مكنتش هتتحمل إعاقته • جايز يسمح بكسر خاطرك بإبن زي الورد ينتقل أو زوج أو اب أو ام وهم في كامل صحتهم نتيجة حادث او ما شابه ، علشان يرحمك من صوت صراخهم نتيجة مرض ملوش علاج ، وبدل ماتتوجع مرة تتوجع عليهم الف مرة وانت مش قادر تخفف عنهم الألم تأكد ان وراء كل كسرة حياة جديدة مبهجة مقولة اللي اتكسر يتصلح ده بتنطبق عليه زي مابيسمح بالكسر هو اللي بيصلح زي مابيسمح بالجرح هو اللي بيعْصِب بيسمح بالتجربة على قد قدرة إحتمال صاحبها علشان كده التجارب بتختلف من شخص لآخر ،، لإن الرب_صالح_وإلى_الأبد_رحمته 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| الرب صالح رحمته عظيمة ومستمرة إلى الأبد |
| بما أن الرب صالح، وبما أن رحمته دائمة إلى الأبد |
| ربنا صالح وإلى الأبد رحمته |
| "أعترفوا للرب فأنه صالح وإلى الأبد رحمته" |
| احمدوا الرب لأنه صالح لان إلى الأبد رحمته |
العرض الشجري