شاكرين كل حين

[walaa farouk]

{شَاكِرِينَ كُلَّ حِينٍ عَلَى كُلِّ شَيْءٍ فِي اسْمِ رَبِّنَا يَسُوعَ الْمَسِيحِ، ِللهِ وَالآبِ. (أف ٥ : ٢٠)}

.............مين عايش فرحان اكتر الراهب ولا الكاهن ولا العلماني ولا الدكتور ولا المهندس ولا المدرس ولا الفلاح ولا العامل ولا اللى عايشين فى مصر ولا اللى عايشين بره مصر ولا الغنى ولا الفقير ولا الوسط الست ولا الراجل ..الماضى ولا الحاضر ......كله باصص على كله والناس بدل ماتستمتع باللى فى ايديها معكننة على نفسها بالنظر للي فى ايد غيرها ....بدل ما يستمتع بالنهاردة ندمان على امبارح وخايف من بكرة.....الحقيقة ان كل وضع من دول به تحديات وبه مشجعات ...به عيوب وبه مميزات.....واللى حلو عند المهندس ناقص عند المدرس والمدرس عنده حاجة حلوة ناقصة عند الفلاح والفلاح فى عنده ميزة محروم منها العامل.......طب والحل؟؟؟ اقولك .....السعادة اختيار.....ركز على الحاجات الحلوة اللى عندك واستمتع بيها واخلع النضارة السودة ان كل حاجة فى حياتك وحشة...ده كلام مش صح وربما هى دى العين البسيطة ......على فكرة مش سهلة محتاجة شوية مجهود.....شاكرين فى كل حين على كل شئ فى اسم ربنا يسوع المسيح لله الاب