علامات تعرفك انك اختارتى انه ’ الشريك الصح ’ ؟

[Rena Jesus]

( 10 علامات تعرفك انك اختارتى انه ’ الشريك الصح ’ ؟ )

1- بيحترم ’ اختلافك ’ وبيحترم ’ افكارك ’
وبيرحب دايما باى فكره هتقوليهالو حتى لو مختلف معاكى فيها , ببساطه ( هيحترمك ) كانثى وكشخص وكعقل وككيان .

2 - بتتخانقو صح ,
من اهم السمات الرائعه لاى اتنين مرتبطين انهم يعرفو ’ يتخانقو صح ’ ودايما لازم تحددو ’ ايه الطريقه الى هتتخانقو بيها ’ وهتتخانقو ازاى وكمان هتتصالحو ازاى .
على عكس المتوقع , دا هيساعد علاقتكو انها تبقى اقوى .

3- بيشتغل ’ علشانكو ’ :
مش بيشتغل او بيتعب علشانك او علشانه , لانه العلاقات الغير صحيه بس هى الى بيكون فيها الراجل شايف نفسه ’ بيتحرق ’ علشان شريكه حياته , ودى حاجه غير صحيه للعلاقه اصلا . وكارثيه على المدى البعيد . او على العكس يكون كل همه يشتغل على نفسه لنفسه فقط . ( علشانكو ) انتو الاتنين اهم بكتير من كل فرد لوحده .

4- متفائل بحبكو /
دايما دورى على الراجل الى بيفكر ازاى يخليكو مبسوطين , الى بيمشى فى الشارع يشوف ( قطعه ديكور ) يقولك ’’ انا عايز اجيب واحده زيها عندنا فى الصالون ’ الراجل الى كله حماس وتفائل وسعاده انكو تقضو بقيه عمركو مع بعض .

5- مش بيلغى شخصيتك :
وبيحترم اختلافك وتقبله لاسلوب حياتك الى حبك بيه , واعرفى انه الراجل الى بيحبك فعلا , هيبقى عنده ’ تحفظات ’ لما ترتبطو لكن مش هيستخدم سلطته الذكوريه ابدا فى انك تلغى شخصيتك لمجرد انها مش عاجباه .

6- هيعاكسك , هيعاكس بزياده بقى :
ودى اقوى علامات الاعجاب والرغبه الشديده من الرجل ليكى فى ارتباطكو , وبالمناسبه دى علامه حلوه وجميله وايجابيه وانا لما بشوفها بفرح جدا .

7- بيحب عيوبك :
ودى درجه عشق بقى اعلى , فى المرحله دى كل الى هتشوفيه انتى كانثى عيوب فيكى , هو هيشوفه ميزه ايجابيه تضيفله وتكمله وتكملك كمان . وهيتخانق معاكى على انها عيوب اصلا .

8-بيحتفظ بالاسرار :
ودى من اهم علامات انك اختارتى شريك حياه صح , انه يكون راجل تقدرى تفضفضى معاه بكل اسرارك حتى عن اصدقائك المقربين كمان . ويكون راجل انه ميستخدمش اسرارك ضددك ابدا حتى فى عز خناقاتكو .

9 - بتحبو تعملو كل حاجه مع بعض ,
كمان بتعملو اى ’ حاجه ’ مع بعض احسن وبطريقه افضل وبتنجزو كتييير لما بتعملوها مع بعض . وبيعرف يضحك كمان لما بتعملو اى نشاط او مشوار بتروحوه مع بعض .

10- عنده ذكاء مالى :
يمكن دى مش ’ بالرومانسيه ’ الى بنات كتير بتتوقعها او بتحب تتكلم فيها , لكن حقيقه وعن خبره طويله فى مجال الاستشارات الزوجيه , جزء كبيره من نجاح علاقتكو واستقرارها لما يكون راجل عنده القدره على ( المسؤليه الماديه ) ويقدر يخطط لحياتكو وطموحكو مع بعض ولمستقبلكو ولمستقبل اولادكو كمان .

cpd