دايما كان فيه حاجه ناقصة

[walaa farouk]

دايما كان فيه حاجه ناقصة ، زعل اتكتم من غير ما يبان ، كسرة اتعدت علشان المركب تمشي ، كدبة صدقناها علشان خوفنا نعرف الحقيقه ، سطر اتمسح من رسالة ، كلمة متقالتش في وقت كان لازم تتقال ، و كلمة اتقالت مش في مكانها ، مكالمة خلصت قبل مايخلص الكلام ، حضن محصلش وقت إحتياج ، مسكة ايد تطمن ، إبتسامة حلّت محل كلام وقف من تقله مخرجش ، ردة فعل ناقصة ، دموع اتحبست علشان ماينفعش ، حتي البُعد ناقص .. لما تمشي مابتمشيش زى ما انت .. بتلاقى حتة منك متسابة