كبرنا و عرفنا القهوه اللى بنحبها مظبوط ولا سكر زياده .. عرفنا تسريحه الشعر المناسبه لينا و الهدوم التى تنفع معانا و الاكل اللى مايتعبناش بعدين.
-بقينا نفهم اللى قدامنا من كلمتين بدون ما نسمع باقى المسرحيه بتاعته.
الصور اللى بنشوفها بطلت تخدعنا زى الاول و الابتسامات الصفراء كمان .. مفهومنا عن السعادة بقى الآمان و الهدوء و راحه البال بس.
- بطلنا مناهده مع اللى مابيفهمش و نقاش علشان نوضح افكارنا .. بقى مش فارق مين فهمنا صح و مين فهمنا غلط .. اللى يفهم يفهم براحته.
-و بدأنا نبعد عن اللى شايف نفسه دايما" صح و مابيغلطش ..
-عن اللى فاكر نفسه حاجه كبيرة علينا ... التهديد بالبعد مش بيخوفنا زى الاول ... فهمنا نفسنا بزيادة تخوف .. و بقينا نسكت سكوت غريب ... و نتجاهل زى ما يكون لسه دافنيين واحد و نسامح الناس علشان نفسنا و راحتنا و شويه السلام النفسى المتلصمين جوانا بالعافيه.
اللى فاضل مش حمل مغامرة جديدة او خدعه جديدة او خيانه تكسر ضهرنا ... اللى فاضل لينا احنا بس !
03 - 06 - 2017, 10:36 PM
العرض الشجري