لو انت فاتر وجواك اشتياق حقيقي لافتقاد الله وبتطلبه بالحاح مستحيل انه مايفتقدش ضعفك وفتورك
ممكن في عز مانت بتصلي ومش حاسس بأي حرارة ومصمم تكمل صلاة يفتقدك ويلمس قلبك بطرف صباعه فتلاقي قلبك اشتعل ومش قادر توقف صلاة
ممكن في عز مانت فاتح ترانيم موقع soundcloud تيجي فجاة ترنيمك وكانها موسيقي وكلمات من الله ليك مكتوبة ومتلحنة حسب لحنك وحسب حالتك فتكون سبب اشعالك من جديد
ممكن يفتقدك عن طريق قعدة مع خادم او مرشد روحي مش مترتبلها تشعر وكأن الله بيرد نفسك من جديد وبيشعل الفتيلة اللي كانت خلاص هاتطفي
وطرق كتير اوي مالهاش حصر ولا نهاية
..
الخلاصة : فترة الفتور دي بغض النظر عن الاسباب اللي ادت لده .. لكنها امتحان من الله هل هاتصمم انك تطلبه وتقعد معاه وتصمم انك ماتمشيش من غير حضوره في قلبك ، بيتظاهر انه ماشي لبعيد زي ماعمل مع تلميذي عمواس و بمجرد ما يشوف التصميم ده وتقوله امكث معي لن اطلقك مستحيل مايفتقدش قلبك تاني ويخليه شعلة نار من جديد
22 - 05 - 2017, 07:50 AM
العرض الشجري