ازاي تخلي حبيبتك .. اسعد بنت ف الدنيا

[sama smsma]

ازاي تخلي حبيبتك .. اسعد بنت ف الدنيا

1 _ قولها بحبك
2 _ خليك دايمآ ف ضهرها ومتتخلاش عنها .. خليك راجلها
3 _ عودها تجري عليك وتحكيلك مشاكلها من غير كسوف
4 _ صاحبها وشاركها كل اهتمامتها .. مالهاش غيرك يا معلم
5 _ البنت طبيعي تخاف .. وانت طبيعي تطمنها .. طمنها كأنك باباها
6 _ احميها من كل الناس والدنيا .. وان حكمت احميها من نفسك
7 _ عرفها علي اهلك وصحابك .. واتكلم عنها وانت فخور بيها
8 _ وانت ف شغلك ابعتلها رساله قولها وحشتيني .. المسج دي عندها بكنوز الدنيا
9 _ لو عايزها تعمل حاجه بلاش تديها أوامر .. الراجل الذكي اللي يخلي حبيبته تعمل اللي هو عايزه من غير ما يطلب
10 _ كلمها بالليل قبل ما تنام .. ولو قدرت تحكيلها حدوته يبقي كتر ألف خيرك يا شيخ
11 _ بلاش جو متلبسيش ومتخرجيش ومتعمليش ومتكلميش ده .. انت بتحبها مش شاريها ف سوق عكاظ للجواري
12 _ متعليش صوتك عليها مهما حصل .. متخوفهاش منك
13 _وانت نازل تقابلها هاتلها اي حاجه حلوه .. وياريت شكولاته .. اعتبرها بنتك يا أخي
14 _ عارف ايه اكتر 3 حاجات محتاجاها منك ؟! .. الاهتمام .. والاهتمام .. والاهتمام برضه
15 _ اعملها مفاجأه من غير مناسبه
16 _ فسحها
17 _ خليها رقم واحد ف حياتك
18 _ اكتر 3 حاجات البنت بتفرح لما بتسمعهم منك .. ( وحشتيني .. خلي بالك من نفسك .. احكيلي عملتي ايه النهارده )
19 _ متزهقش منها لما تكلمك علشان تحكيلك علي الكرش الصغير اللي ابتدا يطلعلها و مكتئبه عشانه .. الموضوع ده موضوع حياه او موت بالنسبالها
20 _ انزل معاها وهي بتشتري هدوم
21 _ اتعب علشانها .. التعب ف الحب راحه
22 _ متتخلاش عنها ف لحظات هبلها .. انشالله تتصور معاها سيلفي
23 _ لو كانت مراتك اديلها مصروف كل يوم .. حتي لو بتشتغل رئيسة وزرا .. مسؤوله منك قدام ربنا
24 _ متخبيش حاجه عليها
25 _ متحرمهاش من حاجه
26 _ هاتلها ورد
27 _ متنساش التواريخ المهمه اللي عشتوها .. اول يوم شفتتوا بعض .. اول يوم قولتلها بحبك
28 _ طمنها معاك وقويها بيك
29 _ غير عليها بحنيه
30 _ متشكش فيها .. بقولك اهو
31 _احضنها
32 _ بلاش تعاملها بقسوه .. البنت كائن رقيقه محتاج معامله خاصه .. تيجي بالحنيه انا انا
33 _ لو ضحكتها حلوه عرفها .. لو فستانها يجنن قولها .. مستنيه الكلمه دي منك علي فكره
34 _ متقارنهاش بحد
35 _ هاتلها هديه
36 _ متسبهاش تنام زعلانه منك
37 _ شجعها ف دراستها وشغلها .. اسندها وهي بتعافر
38 _ حسسها انها ف عينك اجمل بنت ف الدنيا
39 _ احتويها
40 _ متنشغلش عنها ابدآ .. ومتبعدش عنها ابدآ .. لو بتحبوا بعض مبتعدوش .. وطول ما انتوا متمسكين ببعض .. حبكوا هيعيش للأبد .. للأبد <3
''مينا مجدي''