|
 |
 |
 |
|
رقم المشاركة : ( 1 )
13 - 05 - 2017, 05:10 PM
|
|||||||||||
|
|||||||||||
 ده فيلم قديم اسمه " Wolf man" الرجل الذئب سنة ١٩٧٦ تقريبا. الراجل فى الفيلم ده لطيف جدا جدا و حياته عادية، لكن اول ما يطلع القمر بالليل يبتدى يتحول كدة. يطلعله شعر فى ايده و جسمه يتغير و سلوكه يبقى وحشى جدا. مرات بقى كده بيجى على وقت بحس انى مش انا .. بحس انى بتحول مش عارف اسيطر على نفسي وكأن فى وحش جوايه .. احس انى عنيف انى غضبان انى عصبى عايز اعمل اى حاجه عايز اخلص من نفسي .. احس انى مش طايق حد ولا نفسي وبكون عايز اوقف بس مش قادر حاسس بصراع عنيف بحاول اهرب بعيد عن الناس علشان مجرحش حد بس المشكله انى ممكن اجرح نفسى بجد بكون حد تانى .. مش بكون عايز وعظ ولا نصايح ولا توبيخ ولا شفقه علي من حد ولا كلام .. عارف بكون محتاج ايه !! .. حد اصدق حبه احس انه بيحبنى ياخدنى فى حضنه من غير كلام يطبطب على .. محتاج حد يحس بغضبى مش يغضب منى .. محتاج حد يفهم انى وانا بصرخ وبقول مش عايز حد ان ده اكتر وقت محتاج فيه حد جنبى .. والقى حد مقرر يستمر جنبى يمسك ايدى ويقولى انا معاك انا حاسس بيك .. عايز حد يقبلنى وانا سيئ وانا عصبي وانا بقول كلام مش مفهوم .. حد يعرف انى مش سيئ لكن تعبان مجروح ... بس فين ده . . . عندى خبر حلو ... يسوع بيعمل كده ... والا فيه يسوع بجد يعمل كده .. بس... كفايه وعظ الناس عايزه حضن عايزه حب يستحمل يشيل عايزه حد يسمع عايزه قلب يسوع .. خليك يسوع .. الناس مش متحوله .. الناس تعبانه... طبطب على الناس ... يا يسوع خدنى فى حضنك طبطب على .. وعلمنى اكون ذيك اعرف احس بالناس 
|
| أدوات الموضوع | |
| انواع عرض الموضوع | |
|
العرض الشجري