بتشجع بالقديسين

[walaa farouk]

بتشجع بالقديسين وكتير منهم بقوا لينا مِثال..
مثلاً دانيال، الناس كلها أيامه كانت بتطاطي للملك، ودا حال الناس دايماً، وأكيد نصحوه بدلائل أو أمثال " اضمن لقمة عيشك، خاف على نفسك، على بيتك " اعمل اللي انت عايزه براحتك بعيد عن عيون الناس انما قدامهم خليك زيهم..
ويوسف اللي كان بيخاف إلهه، مش خايف من أي حد تاني، الشرور صارت لخيره، صبره ماضعش مع انه مكانش شايف خير، كل اللي بيشوفه شر، لكن في النهاية شاف بعينه الحلم البعيد، انسان زينا، ممكن يكون ايمانه ضِعف في وقت، لكن إتكاله كان على الله الشديد..
القداسة اللي الله بيطلبها مننا مش صعبه، ينفع تتعاش لانه هو ادانا القوة اننا نعمل كده وفي نفس الوقت شُفنا ناس طبيعين عايشين حقيقي القداسة في حياتهم، زي ما الناس دي مشيت أُمناء، انا كمان بختار أعيش أمين، وهقول للشر لأ! انت هتختار ايه؟!