|
 |
 |
 |
01 - 04 - 2017, 05:55 PM
|
رقم المشاركة : ( 23 ) | ||||
|
..::| الاشراف العام |::..
|
رد: يوميات فايز وفايزه (متجدد)
_ فايز يا حبيبي، ما تيجي نتغدي بره
 _ انا معنديش مشكلة بس فاكرة آخر مرة لما ابنك وقع طبق المكرونة علي الطقم التحفة اللي كنتي لسه جايباه من زارا و كان بألف جنية _ اه صح عندك حق ، متفكرنيش  طيب ايه رايك نوديهم كيدزنيا ؟؟ _ اقتراح جميل برضه بس فاكرة لما لوچين تاهت مننا و قعدنا ندور عليها ساعة لحد ما اغمي عليكي و قعدتي تلطمي و الناس افتكرتك بتشحتي و لمينالنا حبه فلوس زي الفل _ ااااااااه ده كان يوم أغبر لا لا بلاها كيدزنيا ده انا بكرهها طيب ايه رأيك نروح كافيه ؟؟ _الله ❤ جميل بس فاكرة لما اتطردنا عشان ابنك لعب هو و كل الولاد اللي في الكافيه خلاويص لسه و كانوا بينطوا علي حجر اللي قاعدين و تفوا علي الويترز ؟؟ _ ااااااه ده انا كنت في نص هدومي طيب ايه رايك نروح لمها اختي و اهو العيال يلعبوا سوا _ مها دي عسل بس المشكلة ان جوزها رخم و بيقعد يتكلم معاكي كتير _ ايه المشكلة ده حتى جدع جدا _ هو جدع مقولناش حاجة بس انا بغير عليكي من نسمة الهوا ، ده انتى حب حياتي يا فايزه ، مبستحملش حد يبصلك بس _ يا حبيبي يا فايز طب خلاص بلاش مها ، نروح لماما _ طنط دي ست الكل أصلا بس طنط فاتن اللي في الدور الاول نقرتنا عين المرة اللي فاتت و كنا هنتطلق فاكرة ، بقيت بخاف اي حد يحسد حبنا يا فوفتى  _ ربنا يخليك ليا يا سندي يا ضهري ، خلاص انا هحمر البانية و هعمل مكرونة ونقعد ننتغدى فى البيت بقى _ تمام و انا هنزل القهوة يا حياتي ، عايزة حاجة ؟ _  |
||||
|
التعديل الأخير تم بواسطة Rena Jesus ; 01 - 04 - 2017 الساعة 06:01 PM |
|||||
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| يوميات تائب |
| تـرنيـمة كلـنا مرضى وتعابى لــ بولس ملاك وفايزه ناثان |
| يوميات طبيب |
| يوميات لوقلق |
| تـرنيـمة كلـنا مرضى وتعابى لــ بولس ملاك وفايزه ناثان |
العرض الشجري