ما تزعلوش

[walaa farouk]

انتو فاكرين انكم مش غاليين ..
وانى ساكت عن اللى بيحصل فيكم ..

طب هافكركم لو ناسيين ..
مانا عشان كدة كاتبها ليكم ..

العالم هيكون فيه ضيق ..
لكن وعدى انى عينى عليكم ..

واذا كان العالم فاكر انه هيقدر ..
انا غلبت العالم .. وهتشوفوا بعينيكم ..

انا عارف ان اللى انتو فيه صعب ..
واللى بيحصل ياما جرّح قلوبكم ..

بس انتو اكيد واثقين ..
انه بسماح منى .. انا مش سايبكم ..

انا عالم بكل اللى جى ..
وعشت اضعافه وانا ع الارض بينكم ..

وعشان ياما اتألمت مجرباَ ..
عارف ازاى ادى السلام .. واعينكم ..

لو دموعكم بتوجع وشاربين المرار ..
انا باتوجع اضعاف عشانكم ..

دانا اللى لما قلت لكم نادونى ..
قولوا ابانا اللى فى السموات ..

طب ليه زعلانين على اللى راحوا ..
وعمالين تقولوا عليهم اموات ..

هم صح سابو العالم باللى فيه ..
سابوا الغنى المزيف والفرحة بتوقيتات ..

ولو حكوا لكم ع اللى هم فيه ..
هتعرفوا انى فعلا صانع الخيرات ..

ماتزعلوش انا مش ناسيكم ..
وحقكم عندى عمره ما بيروح ..

اللى بيقتل ولادى .. كبيره بيقتل الجسد ..
مايعرفش انى مش عايزه .. انا عايز الروح ..

ولو اللى بيحصل مزعلكم دلوقتى ..
بكرة عبيره وشذاه هيفوح ..

اصل الكنيسة مابتترويش غير بالدم ..
واسألوا التاريخ وسنكسار القديسين ..

هتعرفوا ان ده من حبى فيكم ..
اصل انتو ولادى اللى على كفى منقوشين ..
وفى ننى العين .. كلكم محفوظين ..

#ماتزعلوش

دانا الطريق والحق والحياة