|
 |
 |
 |
|
رقم المشاركة : ( 1 )
28 - 03 - 2017, 03:52 PM
|
|||||||||||
|
|||||||||||
|
موضوع غير واقعي .... ماذا يحدث لو بقيت وزيرة تعليم ... (خاص بالجامعات ..) اولا :_ مفيش حاجة اسمها ٣ شهور اجازة آخر عام ... الانسان الطبيعي أقصى مدة ليه عشان يكسر الروتين و يغير جو و يسافر هية شهر واحد فقط لا غير .... شهر و نص بالكتير ... و الشهر و نص الباقيين بداية العام الجديد ....عشان المناهج متنضغطش و الطلبة ياخدوا وقتهم في استيعاب المعلومة .... استيعاب المعلومة اللي اهم بكتير من جدا من تجميع الدرجات و خلاص ..... ثانيا ... اختيار المعيدين و الدكاترة وفقا لقدرتهم على توصيل المعلومة للطلبة .. مش وفقا لأوائل الدفعة و الدرجة العلمية فقط .... عن طريق مختصيين في الموضوع ده ... ياما دكاترة فضلوا اكتر من ٤٠ سنة بيدرسوا مناهج لطلبة مبتفهمش منهم كلمة واحدة و بيجروا ورا الكورسات اللي بالالوفات و يومهم ينضغط اكتر و اكتر و بردوا يفقدوا قدرتهم على تحصيل المعلومة العلمية ...... ثالثا ... لازم يبقى فيه دكاترة نفسيين في الجامعات بشهادات معترف بيها و قدرة عالية على التواصل معاهم مع وجود الامانة الاخلاقية في حفظ و كتم المعلومات ..... رابعا ... زيادة عدد الساعات المكتبية لكل دكتور جامعي برة ساعات المحاضرات عشان يقدم للطلبة كل الإجابات اللي بيبحثوا عنها و توفير عدد اكبر من الدكاترة للموضوع ده .... خامسا ... ممنوع منعا باتا الغش في الامتحانات و اللي يغش يتحرم من الترم كاملا ..... و قصاد ده الطالب من حقه ان المعلومة تتشرحله مرة و اتنين و ثلاثة و عدم ضغطه في الوقت المتاح للدراسة و عدم تكديس كمية الامتحانات عليه ... ياخد حقه صح .... و يتحاسب صح !!!! خامسا ... وجود هيئة مختصة في الجامعات لمراقبة سلوك الطلبة و الدكاترة للتأكد من عدم وقع ضرر على اي من الطرفين عند وجود مشكلة شخصية (تحرش_مش عاجبني شكلك_هحطك في دماغي و هسقطك_انتماءات سياسية و دينية مختلفة....الخ) و مفيش سلطة عليا تتدخل لانقاذ اي من الطرفين في حين وقوع الضرر و التأكد منه ..... سادسا .... تطوير المناهج بشكل سنوي عشان تواكب كل التطورات اللي بتحصل في العالم ... و انهاء عصر التدريس النظري المتخلف !!!!، سابعا ... ال self education ... الدكتور يدي موضوع معين و يطلب من الطلبة انهم يجمعوا عنوا اكبر معلومات ممكنة و يمتنحهم فيها .... ثامنا ... تدريس مادة الأخلاق في كل الكليات ... الأخلاق الخاصة بالمادة المدرسة و الأخلاق و السلوكيات العامة ..... تاسعا ... تقديم مكافئات مالية محترمة للطلبة الأوائل كنوع من الدعم و التشجيع عشان تزود حماسهم ناحية الدراسة و التحصيل العلمي .... شوية خطوات لو اتنفذت صح .... بجد هتطلعلك جيل مختلف تماما من الطلبة الجامعيين .... و أهي أحلام ..... 
|
| أدوات الموضوع | |
| انواع عرض الموضوع | |
|
العرض الشجري