|
 |
 |
 |
|
رقم المشاركة : ( 1 )
27 - 03 - 2017, 11:44 AM
|
|||||||||||
|
|||||||||||
 طول اليوم عمال أفكر اشمعني المسيح اختار المخلع عشان يشفيه؟!! البركة كان حواليها مرضي كتير جدا..عمي و عرج و عسم و مخلعين زيه و يمكن في ناس بقالها اكتر من 38 سنة كمان!! اشمعني دا؟؟!! و تقريبا كدا الاجابة...عشان دا الوحيد اللي كان "ليس له انسان" دا الوحيد...اللي كان وحيد الباقيين كلهم كانوا معتمدين علي قوتهم و فهلوتهم انهم ينطوا ف البركة الاول...او كانوا معتمدين علي اصحابهم الكتير و معارفهم الكتير اللي هييجوا يرموهم في البركة عشان كدا المسيح ملقاش مكان عندهم عشان يدخل و يشفيهم المفلوج كان الوحيد ياعيني اللي مالوش حد... الوحيد اللي لا حيلته قوة ولا اصحاب ولا واسطة يعتمد عليها عشان كدا المسيح قرر يبقي الحد بتاعه عشان كدا المسيح عرف يدخل و يوصله و يبين قوته **** انهاردة كله بيتشبه بالمفلوج...مع اننا اوقات كتير اوي بنبقي شبه باقي عيانين البركة بنروح نطلب المسيح..بس ف ايدينا برضو الواسطة و المعرفة و القوة والحلول المنطقية بتاعتنا احنا عشان لو المسيح معرفش يعمل حاجة يعني!! و نستغرب هو مش بيشتغل ليه معانا طيب ماحنا بنطلبه اهو! بنبقي عاملين زحمة حوالينا بفهلوتنا و شطارتنا و قوتنا و شلة معارفنا اللي بنعتمد عليهم...ف المسيح مابيلاقيش مكان انه يدخل و يشفينا!! هو نفسه يشفينا...بس احنا مش مدينله فرصة!! ***** الناس اللي عاملة دوشة و بس..بتعطل عمل ربنا الفهلوة و الطرق الغير مشروعة...بتمنع عمل ربنا الواسطة و الرشوة و المعارف...بتلغي عمل ربنا يابخته اللي يأس من كل الطرق دي و من كل الناس و مبقاش ف ايده اي حاجة تاني....عشان ف الوقت دا بس ربنا يعرف يتدخل عشان دا الوحيد اللي لما هيروح لربنا هيروحله و ايده فاضية خالص و يديله كل المساحة انه يشفيه!! عشان دا الوحيد اللي مش حواليه زحمة...ف هيعرف يشوف بوضوح اوي ايد ربنا ف حياته!! ( منقول ) ياسيد ليس لي انسان 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| المسيح أخذ الكنيسة وأقامها عوض المجمع |
| عشان تكون راضى محتاج تكون بتبعد كل البعد عن اشمعنى |
| قدموه للمسيح عشان يشفيه |
| لا يأس ولا فشل في المسيح بعد الأن/ أحد المخلع |
| ليه المسيح اختار المخلع عشان يشفيه |
العرض الشجري