أحلى حاجة في يسوع اني لما بحكيله على حاجة تعباني ومش قادر احكيها للناس، بلاقيه يسكُت ويسمع.. مابيوعظش..
شخص بيعرف يسمع.. أحياناً كتير بحسّه بيسكُت لأنه عارف أني مش مستحمل كلمة، عارف أني لما ببقى جايله ببقى "على شعرة" .. مش قادر أسمع.. مش عايز نصايح او عتاب او توبيخ.. محتاج بس أفضّي اللي جوايا.. محتاج "أكُب" التعب والكسرة اللي جوايا قدام حد.. فا ألاقيه بيسمع بس.. أو يبتسم بهدوء وياخدني في حضنه من غير ما يتكلم..
بصراحة هو شاطر أوي انه يسمع.. ويفهم.. ويزعل معايا.. ويبكي كمان لو لزم الأمر..هو مش بس إله بعبده وبحترمه.. هو صديق مُريح.. صديق قريب اوي.. بيعرف امتى يسكُت وامتى يتكلم وينصح.. ويمكن ده السبب أن صداقتنا مكمّلة لحد دلوقتي.. أنه مُريح.. وبيعرف يسمع..
#يسوع
25 - 03 - 2017, 11:03 PM
العرض الشجري