حمار يعلمنا

[walaa farouk]

ليه بنبـــــــص ع الحمار…...……… وكأنه لا مؤاخذة حمار
اتامل فيه شوية و اتعلم …………… منه فضايل تخليك تحتار
عمرك شفت حمار متكبر…….……وخداه الجلالة لفوق متغير
طب شفته وقت المديح إتأثر……………أو وقت الإهانة إتغير
شفته لما يـــجر شـــيلة…………… تفوق طاقته إزاي يستحمل
أو لما العربجى يديله كرباج ……… يجرى ولا يرمى ما يحمل
و البرسيم اللى بيتقدمله ………..…… ياكله بفرح كأنه رزقه
طب شفت حمار راكبه ملك ………… فكر يللا و قوللى قوام
أيوة إفتكروا المسيح لما دخــل...……… أورشليم بكل الإكرام
الحمار عمره ما فكر إن …………… الاستقبال الحافل ده ليه
ده للملك اللى هو شايله………… فرحوا و فرشوا هدوم تحتيه
لا همه كرامة ولا مديح …………… همه يشيل الملك المسيح
دا مخلـــــصنا الصــــــالح..……… ودا اللى يفرح قلبه صحيح
فهـــــمت لما داود النبي قال…………… صرت كبهيم عندك
يعنى لو زعلوك و أهانوا كرامتك……… قول “ كبهيم عندك “
لو زموك .. أو شتموك أو أهانوك……… قول “ كبهيم عندك “
لو طلعوا فيك القطط الفطسة .………… قول “ كبهيم عندك “
لو خافوا عليك من أقل عطسة………… قول “ كبهيم عندك “
لو مسألوش فيك حتى أحبابك ………… قول “ كبهيم عندك “
وكل لما تشوف حمار …………… راجع كلامى و فكر فيه
واتعلم من صفاته الحلوة……… واسمه مش راح نشتم بيه تانى