|
 |
 |
 |
|
رقم المشاركة : ( 1 )
20 - 03 - 2017, 04:08 PM
|
|||||||||||
|
|||||||||||
|
مالكم يا جماعة في ايه !! .. كل ما اكلم حد يقول مخنوق مش قادر اتكلم جو كآبه رهيب!!. ايوة انتم مستنيين ايه يغير مودكم يعني !! .. انتم المفروض عايشين اجمل ايام حياتكم دلوقتي !.. مستنيين الحد اللي بيحبوه يكلمكم ولا عشمانيين في حد ومش معبركم !! .. مهو في حد بيحبك وانت مش بتكلمه وهو عشمان فيك وانت مش معبره ! قاعد طول النهار مستنيك تقوله كلمه واحده حتي ! .. مهما كان مشكلتك لو لجئت لربنا هتتحل ع فكره ! .. اه هتقولوا عليا بتدروش دلوقتي مش كده !.. بس دي مش دروشة ده الحل الوحيد فعلا !!.. ربنا هو الوحيد اللي يقدر يغير مودك من حزن رهيب لفرحة عظيمة ❤❤.. انتم احسن من غيركم كتير اشكروا ربنا شويه المشاكل والتعب اللي عندنا دي مجرد لعب عيال بنسبه لناس كتير .. متوهمش نفسك ان اللي انت فيه ده اقصي التعب والحزن ! .. لا ده اقل حاجه فيه ع فكره.. في ناس كتير اصعب منك.. ايه صاحبك ضايقك ولا صاحبتك ضايقتك ! الدنيا اصغر بكتير من اننا نزعل من التفاهات دي ! .. متوحش حد ... قول لربنا دبرها وخليني اشوفه انت عارف اني بشر ضعيف ومحتاجله قد ايه.. حد ضايقك.. صليله هتلاقيه جاي لحد عندك يعتذر وعن تجربه !.. ايه شويه مذاكره تاعبينك ! .. طيب ما كلنا مضطرين نعمل كده امال انت وظيفتك ايه دلوقتي غير انك تذاكر !.. في حلم واقف ع ناصيته وبتقاتل علشان توصله .. صلي قوله قويني يارب .. مشكلة حاصله معاك ومش لاقيلها حل !.. خليك واثق ان ربنا هينهيها ع خير ليك !.. قوله يارب زي ما حطيتني في التجربة واثق انك هتخرجني منها ! مانت الوحيد اللي في ايديك حياتي .. خلي عندك ايمان ان ربنا حاسس بيك .. الطبيب يعطينا الدواء الذي نحتاجه وليس الذي نحبه .. فمش لازم يكون حل مشكلتك سهل جايز يكون صعب بس هتخف في الاخر ✋.. اوعي تتذمر ع وضعك وتقول اشمعنا شوف كام واحد قبلك اتخطي المحنة إنه_لا_ينعس_ولا_ينام_حافظ_اسرائيل ❤ 
|
| أدوات الموضوع | |
| انواع عرض الموضوع | |
|
العرض الشجري