|
 |
 |
 |
|
رقم المشاركة : ( 1 )
15 - 03 - 2017, 08:38 PM
|
|||||||||||
|
|||||||||||
|
اوقات كتير اووي بنكون في مشكله او ضيق او طلب او احتياج وبفضل اصلي واصرخ لكن الله ساكت مش بيرد وبدخل في دايرة ان الله مش حاسس بي هو مش حاسس بالظلم اللي وقع علي وهو ازاي الاشرار ناجحين وانا ابن او بنت ليسوع وبيحصل كل ده وافضل في نفس دايرة اللوم علي الله والاتهام بالتقصير .  😞لكن الله بيكون عايز يوصلني لحاجه اعمق بكتير علشان لما يتكلم اعرف اسمعه كويس وافهم هو عايز يقولي ايه و ده مش هيحصل غير وانا في حضنه ايوا في *حضن الله* بشتكي واصرخ لكن وانا جوه الحضن . لان وانا جوه الحضن الالهي كلامي وشكوتي بتبقي مختلفه ومثال علي كده حبقوق والتطور اللي حصله في علاقته بالله: في اصحاح واحد حبقوق كان بيشتكي وبيقول "حتي متي يارب ادعو وانت لا تسمع ، اصرخ اليك من الظلم وانت لا تخلص" لكن وهو جوه الحضن الالهي بتختلف صلاتنا فبيقول حبقوق فاقول "الست انت من الازل يارب الهي قدوسي" ايوا الله شايف وحاسس بيك وبالمشكله وهيتدخل بس مستنيك تترمي في حضنه فيبدا يكشفلك عن افكاره وانت بعيد مش هتفهم هو عايز يقولك ايه او الحل هيبقي بالطريقه الفلانيه مش بالطريقه اللي انت شايفها. وبيكمل حبقوق وبيقول بعد ما اختبر حلاوة الحضن ده وفهم علي مرصدي اقف علي الحصن انتظر واراقب لأري ماذا يقول لي الرب ففي وسط الظلام تمسك حبقوق بايمانه وقال فإن البار بإيمانه يحيي وانا في حضنه هو اقدر اقول استريح في يوم الضيق ايوا راحه في يوم الضيق هي دي النصره اني اعرف افرح واتنطط علي المرتفعات حتي وكل اللي بيحصل يا حبقوق لا يزهر التين ولا يكون حمل في الكروم الي نهاية الاصحاح فاني ابتهج بالرب وافرح باله خلاصي حبقوق كان معتمد في الفرح علي اللي في الغيط والبيت لكن دلوقتي اعتمد علي الحضن الالهي ابوه والخبر اليقين ان حضنه عمره ما تقفل في وش حد ولا عمره ضاق علي حد ولا عمره هيمل من حد   من عظة د. ماهر صمويل 
|
| أدوات الموضوع | |
| انواع عرض الموضوع | |
|
العرض الشجري