|
 |
 |
 |
|
رقم المشاركة : ( 1 )
11 - 03 - 2017, 03:23 PM
|
|||||||||||
|
|||||||||||
|
انا بحقد علي الناس ومضايقه جدا من نفسي وبكرهها ومكسوفه سؤال جالي كتير طب والحل ؟ الحقد ده بيكون عباره عن مشاعر غيرة يأما انا بغير من حد وبضايق لما بيوصل لحاجه معينه فبحس بالحقد يأما بغير من حد وبتمني له انه يخسر الحاجه علشان انا ارتاح طبعا كلام من وجهة نظر الناس بشع شنيع والحقيقه انها مجرد افعال ومشاعر طالما متترجمتش لسلوك واضح يدخل في نطاق الحرام والأذي لما الشخص بيحس بالغيره لما حد بيحصل له حاجه معينه هو شعور بينبه صاحبه انك محتاج تبقي احسن او توصل زيه او احسن منه علشان لما توصل لده هتحس مثلا بالثقه بالنفس او اي حاجه تانيه والانسان اللي بيحقد علي شخص وبيتمني زوال ما عندة عنده اعتقاد انه مفيش امل اوصل لده ابدا فازاي احس بالتميز او الثقه ان الشخص ده يفقد الميزه دي لحد هنا مجرد افكار ومشاعر بتزقنا نتحرك من وضع لوضع ونتحرك ناحيه الحاجه اللي عاوزينها اللي بيحصل اننا بنرفضها ونكرهها والنتيجه بتزيد وتزيد طب لو ناقشناها وحللناها زي ما عملنا فوق الغيره عاوزه تحققلي ايه .؟.. . طب هل فكرة اني عمري ما هبقي زي الشخص ده حقيقيه ولا لأ ؟ هل مفيش امل خالص ؟ طب ايه اللي ممكن يديني امل ؟ طب لو الشخص ده فعلا فقد الميزه دي كده دي هتبقي ميزه ليا ولا ملهاش علاقه ؟ طب ازاي اخد المشاعر دي كمحفز ليا بدل ما توقعني؟ ازاي افهم رسالتها وابتدي اخد خطوات ؟ طيب انا متميز في ايه عن الشخص ده وهو متميز في ايه ؟ طب احنا في وضع مقارنه ؟ طب دي مقارنه عادله ؟ طب الاحسن اقارن نفسي معاه ولا مع نفسي في مراحل مختلفه ؟ مناقشه وتحليل وافكار و فهم ايه اللي ورا الافكار والمشاعر دي وبعد كل ده هيكون نص الطريق للحل خلص والنص التاني خطوات فعليه ناحيه الحاجه اللي الغيره بتنبهني ليها بدل ما تغرق في مشاعرك وافكارك وترفضها افهمها وخليها تحركك بدل ما توقفك طول ما في امل انك توصل طول ما هتعرف تتحرك اوعي تفقد الأمل الحياة مراحل وده وضعك في المرحله دي بس المهم المرحله الجايه حالك يكون ازاي 
|
| أدوات الموضوع | |
| انواع عرض الموضوع | |
|
العرض الشجري