اتعكز علي نفسك......

[Rena Jesus]

النهارده وانا بتفرج علي متش برشلونه شوفت حاجه غريبه..
رغم ان اللعيبه نازلين المتش وهما خاسرانين اربعه الا انهم كانوا ناسيين ده تماما..
وكان فيه اصرار عجيب من اللعيبه انهم ياخدوا كل كوره..
ويقاتلوا عليها كانها حياتهم..

هدف شايفينه قصاد عنيهم وبيحاولوا يحققوه وناسيين انه بلغه الارقام مستحيل..
بذلوا كل جهدهم واتعلقوا فانصاف الفرص ومسمحوش لليأس يتسرب جوا قلوبهم حتي بعد ما المتش قرب يخلص وجه فيهم جون!!
كدا المفروض المتش خلص لانهم كدا لازم يجيبوا ست اجوان عشان يكسبوا..
حاجه كافيه تدمر معنويات اي بني ادم ان يشوف هدف كان صعب اصلا وهو حاول وقرب خلاص وفجأه ازداد صعوبه..
دي كفيله انهم يقبلوا الامر الواقع ويبطلوا محاوله وساعتها محدش هيلومهم لانهم عملوا اللي عليهم..

لكن ساعات بيكون هدفك وطموحك كبير لدرجه ان المستحيل نفسه مايقدرش عليه..
ولاخر نفس فضلوا يقاتلوا علي الكوره ويلعبوا لاخر دقيقه لحد ماجابوا جون فاخر دقيقه فالمتش وهو الجون السادس..
وكسبوا..

فضلوا يشتغلوا ومفقدوش الامل طول ما لسه موجود..
طول مافيه وقت..
طول مافيهم روح وعزيمه جواهم تحركهم نحيه هدفهم تخليهم يموتوا نفسهم ومايكسلوش..
لحد ما نالوا مرادهم وتعبهم جه بفايده وخرجوا بنتيجه من وجهه نظر اي حد مستحيله الحدوث..

كتير مننا بتواجهه مشاكل صعبه وبيستسلم..
وفيه اللي بيحاول وبتواجهه صعوبه بيقف وبيبطل محاوله..
وبيقول مستحيل اقدر..
لكن هو لو دور جوا نفسه وخدها تحدي وفضل يشتغل لحد اخر لحظه وماسمحش لليأس والاحباط يهدوه لازم هيوصل لهدفه مهما كان صعب ومستحيل..

زي ماوقعت لازم تقوم.. اتعكز علي نفسك..
محدش هينفعك ولا هيحس بيك غيرك..
اتعب..لازم باذن الله هتلاقي
قاتل_لاخر_لحظه
المستحيل_ممكن_بس_انت_اتعب