|
 |
 |
 |
|
رقم المشاركة : ( 1 )
08 - 03 - 2017, 03:58 PM
|
|||||||||||
|
|||||||||||
|
أسخف شئ في الحياة التنظير علي الأمهات .. احنا عايشين مستهلكين الطاقة .. الأم كائن قرر يربي جواه كائن متطفل جميل يسحب الأكل من جسمه والكالسيوم من عضمه وينط براه بقلبه وبنتعب كل يوم نفسيا وجسديا علشان نربي العيال .. فكرة أحمدي ربنا وماتشتكيش فكرة عقيمة .. العيال أكبر نعمة الف حمد وشكر يا رب وديمها علينا بس متعبين ومرهقين والتعب اللي بنشوفه معاهم محتاج تقدير وطبطبة من غير تنظير ولو كان عندك اربع عيال كنتي عملتي ايه ولو بتغسلي علي ايدك كنتي عيشتي ازاي ولو ولو ولو .. في ستات بقالها سنين نفسها تاخد دش من غير كائن صغير معاها في الحمام ونفسها تشرب من غير ما حد يسقي بصوابعه الصغننة في الشاي بلبن بتاعها وتنام من غير ما حد ينام بالعرض فوقيها ويصحيها ويرازيها .. وتنام من غير ما تصحي علي منبه المدرسة شتاء وتمارين العيال صيفا .. وتنام من غير ما تحلم بالباص فاتها ولا المطرة غرقت الغسيل ولا مصاريف المدرسة وهدوم العيال .. نفسها شوية فراغ في دماغها اللي مليانة مواعيد الادوية وارقام الدكاترة الامهات كائنات مستهلكة مش عايزة غير الشكر بس وشوية تقدير وطبطبة .. صعبة دي ؟! 
|
| أدوات الموضوع | |
| انواع عرض الموضوع | |
|
العرض الشجري