|
 |
 |
 |
|
رقم المشاركة : ( 1 )
20 - 02 - 2017, 06:22 PM
|
|||||||||||
|
|||||||||||
|
1_ الخرزه الزرقا بتمنع الحسد ده علي اساس انها بتعكس نظرة الحسد في صدر اللي بيحسد فبتموته. )2_ فردة الشبشب البلاستك الاخضر علي باب البيت بيمنع الحسد و اصلا تلاقي فردة الشبشب اغلي من البيت نفسه هيحسدك علي ايه يا معفن. 3_ تاتش ووود (امسك الخشب) علي اساس لو حد بيحسدني هحط الخشبه في عينه ( ثم ايه تاتش وود دي ايه انجليزي المصاطب بتاع المذيع بتاع قناة هلا مصارعه ده !!) 4_ لو سيبت الموبايل في الشاحن و انت نايم هينفجر ( الشاحن و الموبايل هيعرفوا منين ان انا نايم مش عارف !!) 5_ المياه اللي نازله من حنفية المطبخ انضف من المياه اللي نازله من حنفية الحمام ( مش انت كنت جايب سباك واحد يا اسطي و لا ايه) 6_ ماينفعش تاكل بطاطس محمره بالليل عشان هتجيبلك حموضه ( ده علي اساس انها بالنهار هتجيبلك ام بي سي مصر) . 7_ ابو اتنين جنيه فول كل جنيه لوحده اكتر من ابو اتنين جنيه فول مجتمعين ( لو روحت للراجل و قولتله عايز بجنيه فول هيضربك بالشبشب الاخضر البلاستيك اللي قولتلك عليه من شويه) 8_ اول ما تقلع النضاره كل اللي حوليك بقتنعوا انك اعمي ( و طبعا هتلاقي اي حد سخيف جنبك بيقولك دول كام ) 9_ اما متبقاش حابب تاكل حاجه معينه يبقي انت معرفتش القرش بيجي ازاي و انت بتتبطر ع النعمه ( والله ما كفرت عشان مبحبهاش نفسي مش قابلاها عادي ). 10_ البيتزا بتاع امك احسن من بيتزا هت ( و لو فكرت تقول غير كده هتبات علي بسطة السلم و لو ابوك دافع عنك هيبات معاك ) 11_ لو لبست الشراب يومين ورا بعض عينك هتوجعك ( ده علي اساس طبعا اني بلبس الشراب مكان النضاره واضحه يعني ) 12_ لو لقيت شبشب مقلوب و معدلتوش هتتسخط قرد !! 13- اتعب في الثانويه عشان ترتاح في الكليه اتعب في الكليه عشان تلاقي وظيفه حلوه اتعب انك تدور علي وظيفه حلوه عشان تلاقي جوازه حلوه اتعب عشان تدور علي عروسه حلوه عشان تخلف عيال حلوه( و في الغالب العيال هيطلعوا شبهك برضو و بؤساء و انت هترتاح في المقابر 
|
العرض الشجري