|
 |
 |
 |
|
رقم المشاركة : ( 1 )
07 - 02 - 2017, 09:26 AM
|
|||||||||||
|
|||||||||||
|
أنا شخصيا بفضل العزلة ... مش الوحدة ... "العزلة" ... قولي ليه ؟! ... "ليه"؟ .... أنا سعيدة أنك سألت السؤال ده ....  العزلة و الانفراد بالنفس لأكبر وقت ممكن و متاح بتخليك تعد مع نفسك و تعيد حساباتك .... تعيد حساباتك يعني تفكر مرة و اتنين و ثلاثة في كل حاجة عملتها في حياتك ... تفتكر الناس اللي مروا عليك .... كمية الأخطاء اللي مفروض أنك تكون اتعلمت منها ... و كام مرة كررت نفس الخطأ بنفس الاندفاع و قلة الوعي .... بتبدأ تحاسب نفسك بميزان العدل .... من غير مكابرة و لا عند ..... تشوف لو فعلا محتاج تتغير ... محتاج تضيف حاجة أو تلغي حاجة في أسلوب حياتك و تعاملاتك مع كل اللي حواليك ..... العزلة بتديك فرصة تقييم جيدة لمشاعرك .... في كل حاجة .... سواء مشاعرك تجاه شخص ... مجموعات ... أو حتى وظيفتك اللي طول عمرك بتشتغلها ... صديق مرة حكالي أنه ليه صديقة قررت في مرة تروح دهب للاستجمام عشان تفصل شوية عن ضجيج البشر ... بعد مرور 10 أيام قررت أنها تكمل حياتها هناك و اكتشفت أنها عمرها ما حبت وظيفتها الأساسية "طبيبة أسنان" رغم أنها بتدخلها دخل معقول و مكانية إجتماعية محترمة ... بس في لحظة صدق صارحت بيها نفسها .... أيقنت أنها عمرها ما هتكمل في الشغلانة دي .... ببساطة ... لأنها مبتحبهاش .... و مبتسعدهاش .... " ....... نرجع لموضوعنا .... تقييم المشاعر بعيدا عن الضغوط النفسية و مشاعر الاحتياج و الخوف من الوحدة و الخوف من القادم و المجهول ..... مهم ... ده مهم!! أنا شخصيا العزلة بتخليني أقوى ... حرفيا .... بتخليني أتأكد و أوقن إني أقدر أعيش لوحدي .... و إني يوم ما هقرر إني أدخل حد حياتي .... هدخله للأسباب الصح ..... و إني الوحيدة المسؤولة عن أسباب سعادتي و حزني و مسار حياتي كله من بعد مشيئة رب العالمين .... العزله بتخلي عقلي أصفى .... power of mind .... و عاطفتي أنقى و أصدق ..... العزلة بتخليني أشوف كل حاجة من بعيد بحجمها الحقيقي ..... العزلة بتخليني أهدى و أروق .... العزلة بتعزز خيالي و بتخلي مقاييسي للواقع أعلى و أفضل .... العزلة بتخليني ألطف مع الناس .... و القسوة بتتبدل بالتماس الظروف و يقين بأن كل الناس غلابة بشكل أو بآخر .... و كله محروم من الحب و النور و آلام الماضي لسة محفورة في قلوبهم و غيرت من طبايعهم و سلوكياتهم ..... العزلة بتديك فرصة كويسة أنك تشوف كل ده ...... العزلة شيء صحي ...... العزلة انسحاب مؤقت لمحارب إنسان من الدرجة الأولى عاوز يكون أفضل .... عاوز يعيشها صح ..... cpd 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| العزلة |
| العزلة |
| العزلة شيء صحي جدا |
| العزلة |
| العزلة |
العرض الشجري