متستصغريش ابنك.....

[Rena Jesus]

ليه الاطفال بيبقي صعب عليها الأختيار ويرجعوا في كلامهم او ساعات يخافوا يختاروا
الاطفال بطبيعتهم بيحبوا المغامرة ويحبوا يجربوا جدا ويختارو حل حاجه وده بيبان جدا من سن سنه لسنتين
وأول ما الطفل بيبتدي يمشي ويحس انه استقل عن مامته بيحصل نمو عاطفي وبيحس ان له هويه ومن حقه يختار ويبتدي يعترض بطرقه الطفوليه
يقول لا
يصرخ جدا لو اخدتي منه حاجه
يصمم علي رايه حتي لو فهمتيه



والاهل هنا ليهم دور كبير يااما يتفهموا ده ويحاولوا
يخلوا البيئه امنه قدر الإمكان عشان ميحسش انهم بياخدوا منه حاجه بيحبها لان الاطفال في السن ده مش بتدرك يعني ايه خطر
ولما بشبط في حاجه مش خطر تسيبه او تديله اختيار عشان تأكد له انه بيقدر يختار وتنمي عنده الاستقلال والثقه
يااما تفضل تاخد كل حاجه منه ولو اعترض تعنفه وتزعق فيه وساعتها
ممكن يحصل عندي سيناريوا من اتنيبن
اما طفل ضعيف الشخصيه وبيظهر الضعف ده بشكل واضح في انه خايف علي طول وديما بيخاف يختار او يقرر او حتي يعبر عن رايه
او طفل قرر يستقوي عشان يفرض قراراته علي اللي حوالليه عشان عارف انه بالهداوه محدش هيسمعني فيقرر يتحدي الكل ويتكسر عنده حاجز الخوف شويه شويه لحد ما يتمرد ويثور علي أهله وحرفيا محدش بيبقي قادر عليه ومع استمرار تحديه وعنف الأهل ضده يتحول لطفل عدواني للاسف

متستصغريش ابنك كل سلوك بتعمليه معاه دلوقتي بياثر علي مستقبله بعد كده
طيب اعمل ايه مع الاطفال من سن سنه لسنتين
١-التواصل والحضن واللعب معظم الوقت
٢-تأمين البيت لان المرحله دي مرحله اكتشاف ومن حقه يكتشف شيلي الحاجات الخطر افصلي فيش الكهرباء والحاجات القابله للكسر
٣-لو شبط في حاجه انزلي لمستواه وقوليله اسمها خليه يفرجك عليها وبعدين شتتي انتباهه وخديها منه من غير ما تحسيسيه انك خبطتي في استقلاليته
٤-خيريه بين اللبس اللي هيلبسه
يتشال ولا يمشي جنبك
يأكل بالمعلقه دي ولا دي
٥-بلاش تزودي نزعه الرفض بكلمه لا ونو عشان متزوديش إحباطه وعصبيته اديله بديل تاني يلعب بيه بعد ما تشتتي انتباهه
٦-جهزي بيتك ليه مرحله وهتعدي عمرك شفتي واحد كبير لِسَّه بيحط صباعه في الكهربا

استمتعوا بيهم هيكبروا اسرع مما تتخيلوا
ومش هينسوا جميلكم ولا اثركم
ويبقي الاثر ♥️