إزيكم يا أصحابى..أنا صاحبتكم توتا وعندى مشكلة عايزة آخذ رأيكم فيها وتفكروا معايا فى الحل؟؟

[nasser]

"أعمل إيه
قولولى يا أصحابى"...

إزيكم يا أصحابى..أنا صاحبتكم توتا وعندى مشكلة عايزة آخذ رأيكم فيها وتفكروا معايا فى الحل؟؟..
دخلت السنة دى المدرسة وأصحابى اللى كانوا معايا السنين اللى فاتت فى الفصل مش معايا السنة دى وطلبت من المدرسة إنى أحوّل من فصلى لفصل تانى لكن منفعش.وأنا مش عارفة أتعامل مع اللى معايا فى الفصل الجديد وبصراحة كمان مش عارفة أقبلهم هما مختلفين عنى وميشبهونيش...
أعمل إيه قولولى يا أصحابى؟؟فكروا معايا وأنا هادوّر فى كتابى المقدس..أنا عرفت من مدارس الأحد إن الكتاب يقدر يساعدنى فى حل مشاكلى ويرشدنى أعمل إيه.ياللا دوّروا إنتوا كمان معايا..
الحل فى كتابى "اقبلوا بعضكم بعضاً كما أن المسيح أيضاً قبلنا لمجد الله"-(رومية7:15)
الصلاة علّمنى يارب إنى أديك المجد وأقبل وأحب كمان كل الناس حتى اللى مش شبهى وساعدى إنى أكون شبهك وأحب كل الناس.شكراً يارب لأنك دايماً بتقبلنى.
هاقولكم فزورة صغيرة توضح الفكرة؟؟(ماهو):
عبارة عن خيط طويل مربوط فى أحد الطرفين بلوح رفيع وبالناحية الأخرى بقطعة من الرصاص يعلق هذا على جانب الحائط فإن وزن الرصاص يجعله مستقيماً..هذا يستخدم أثناء البناء لضمان إن الطوب موضوع فى خط مستقيم وإن الحوائط ليست مائلة وعند اكتشاف طوب غير موضوع فى مكانه الصحيح يُكسر ويُعاد بنائه مرة ثانية.
عرفتوا إيه هو ده يا أصحابى؟؟ ده اسمه"ميزان بناء" وده بيشبه حياتنا الروحية قوى..لما بنغلط وتكون فيه خطية فى حياتنا بتخلينا مايلين وحياتنا مش مستقيمة زى ما ربنا عايز حياتنا تكون مستقيمة ولما بنرجع ونعترف للرب بخطايانا ونفحص نفسنا بميزان الله اللى هو(الكتاب المقدس)بنرجع تانى وتبقى حياتنا مستقيمة.
صلاة كل يوم جديد علّمنى يارب دايماً أفحص حياتى حسب كلمتك ولو فى حتة مايلة من الخطية ارجع تانى وابنى فىّ بروحك.