|
 |
 |
 |
|
رقم المشاركة : ( 1 )
08 - 01 - 2017, 10:23 AM
|
|||||||||||
|
|||||||||||
|
لو كان يسوع اتولد في مصر الزمن ده ... المذيعة : زي ما حضراتكوا شايفين في تجمهر كبير قدام العشة ديه و شرطة كتيرة و قلق في حي منشية ناصر , بس معانا واحد من شهود العيان يحكي لنا هو شاف ايه ؟ مواطن 1 : سامو عليكم , حضرتك أحنا كنا قاعدين في أمانة الله بنشوف فيلم صلاح الدين الاليوبي لكن فجأة طلع نور جامد و سمعنا اصوات غريبة خارجة من عشة عم يوسف .. جرينا عشان نشوف ايه الموضوع لاقينا الست مريم والده طفل , فستات الحته فضلوا معاها و عم يسوف جاب ساقع و وزع علينا كلنا , بس مفيش نص ساعة و لاقينا الشرطة و مباحث امن الدولة كلهم جم و قفلوا الحته المذيعة : طب ايه السبب في كدة ؟ مواطن 2 : انا اقول لحضرتك !! عم يوسف ده بقي له فترة كدة مستشيخ و شكله اخوان ! مواطن 1 : لا يا راجل متقولش كدة !! مواطن 2 : أقسم بالله أخوان ! زي ما بقولك لحضرتك كدة , حتي في ناس قبل النور ده جم يزوروه لابسين لبس غريب كدة باين عليهم من سوريا , بس لما اهل الحته سألوهم ردوا انهم مجوس ! يعني من ايران حضرتك ! و كانوا بيدوروا علي نجمه كبيرة في السما !؟؟ كل ده مش لاقطه حضرتك معايا ؟! المذيعة : لا والله مش لاقطة مواطن 2 : ايران و نجمة يعني ماسونين ! نجمة الماسونية بتاعة داعش و اسرائيل !! حرام عليكوا بقي سيبونا في حالنا , البلد مش مستحملة ! ربنا معاك يا سيسي ! فجأة يخرج عم يوسف النجار و الست مريم وسط مجموعة من الامن و العساكر و حالة من التهليل و التصفيق و غناء تسلم الايادي من اهل المنطقة , عم يوسف : انا برئ ! صدقوني برئ ! اخوان ازاي يا جماعه !! ده الطفل هو المسيح ! احد الظباط : طب فين شهادة الميلاد اللي تثبت كدة ؟ عم يوسف : بقول لحضرتك لسه مولود , غير حتي و لو في شهادة الميلاد اكيد مش حيبقي مكتوب فيها المسيح ! احد امناء الشرطة يهمس في أذن يوسف : بقولك يا عمنا , انتا باين عليك راجل كبير و مش وش بهدلة , هات 200 جنية و انا اطلع لك شهادة ميلاد دلؤتي ان الطفل ده المسيح و اخلص لك الموضوع ده كله عم يوسف : 200 جنية ! بس انا معيش دلؤتي غير 50 بس امين الشرطة : 50 ايه يا مقدس , هو انا بقولك حشيلك مخالفة , ده حوار كبير ,, انجز و شوف أخرك تدفع كام يوسف يتكلم مع مريم و ياخد منها 50 جنية عم يوسف : دول 100 جنية اللي قدرت اجيبهم دلؤتي و في جوا كام هدية لسه جاين لينا صندوق لبان علي مر علي دهب امين الشرطة : لبان و مر ؟؟! ايه الجو ده , هو تمام حوار الدهب ده , و عشان خاطر برضة تعرف اننا مش متوحشين او معندناش قلب زي ما بيتقال , انا مش حأدق معاك في المبلغ كله .. و ادي شهادة الميلاد اهي يوسف يتفحص الشهادة يوسف : ثانية واحدة , ديه شهادة ميلاد اولاد احمد عز !! امين الشرطة : اه سوري طلعت لك الشهادة الغلط .. امسك ديه يوسف : اه تمام مكتوب فعلا المسيح جنب الرقم الثلاثي .. امين الشرطة : الف مبروك يا عم , يوسف : الله يبارك فيك امين الشرطة : فين حلاوتنا بقي من المولد الجديد ؟؟ يوسف : ما حضرتك لسه واخد 100 جنية , مفيش حاجة تانية معايا امين الشرطة : لا ده لسه في قضايا تانية , بناء مخالف و سرقة وصل كهربا و تهرب من الضرايب و زعزعة استقرار الدولة و اخيرا تزوير في اوراق رسمية !!! يوسف : بس بس ... و ليه كل ده ؟!!! هات ال 100 جنية اللي انا لسه مديهالك ,, بقولك ايه يا مريم أطلعي بالواد علي بيت قريبتك أليصابات في امبابة , عقبال ما اخلص انا الليلة ديه .. يلا بينا يا باشا علي القسم انا اصلا اخوان ... حسبي الله و نعم الوكيل ... مفيش فايدة 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| اتولد يسوع..مخلّص العالم.. |
| يسوع اتولد خلاص |
| لغاية لما اتولد يسوع! |
| يسوع اتولد جوايا |
| غنى قولها فى كل مكان انه اتولد يسوع |
العرض الشجري