|
 |
 |
 |
|
رقم المشاركة : ( 1 )
06 - 01 - 2017, 07:54 AM
|
|||||||||||
|
|||||||||||
|
احسن هديه نقدر نقدمها لحد...واغلي هديه أننا نقبله زي ما هو... بشكله...بطريقته...بلبسه...بتفكيره..بكل حاجه فيه. منحاولش نغير فيه حاجه...ولا نحكم عليه.. كل ما هنقبل اللى قدامنا كل ما هنريحه.... من اساسيات احتياجاتنا...أحتياجنا للقبول ... و بنبذل مجهود كبير في اننا نحط دفاعات وأقنعه وطبقات كتيرة علينا ... عشان اللى قدامنا يقبلنا... بنخاف الناس متقبلناش... في ناس بتلبس وتتكلم وتتعامل وتاكل وتشتغل وتصرف وتخرج وتتجوز بشكل معين عشان اللى حواليهم يقبلوهم ويرضوا عنهم. يعني أقبله بعيويه اللى مش عجباني..اللى بتضايقني؟ جربت كتير قبل كده تنتقد وتنبه وتتخانق وتشتكي ...وكانت ايه النتيجه؟ لما الملاحظه بتيجي بعد القبول والحب ....بطلب وكلمه حلوة وطبطبه غير لما تيجي برساله... انا مش هقبلك غير لما تشيل منك حته... مش هحبك وانت في الطروف دي...مش هرضي عنك وانت فيك الطبع ده. لكن انا قابلك بكل ما فيك...ويوصله مني الأمان والاحتواء... ساعتها هو هيطمن ويستريح ويظهر انسانيته اللى جوا الجميله النقيه للى عايزة تتحسن رغبه منه التغيير... بس هو بيأذيني بطبعه ده؟ يبقي انت محتاج تحمي نفسك من الاذيه...مش محتاج تهاجمه وتنتقده. محتاج تقوي نفسك عشان متتأثرش. ساعتها هيوصله رساله اني قابلك بكل ما فيك... وقادر احمي نفسي من الطبع اللى بيأذي ده. أنا قادر اشوف المميزات اللى جواك... وبحاوط الطبع اللى مش مناسبني عشان ميأثرش عليا. انا محترمه ادميتك وانسانيتك ومقدرة وجودك في حياتي... والطبع ده مش هيوقف قبولي وحبي ليك. أنا قابلك...وشايفك....وسامعك..وبحبك زي ما أنت....هديتي ليك 
|
| أدوات الموضوع | |
| انواع عرض الموضوع | |
|
العرض الشجري