كل يوم الله بيثبتلى انه بيشتغل بالواقع والمكسور من ابليس.. كل يوم الله بيثبتلى انه بيشتغل بالناس الرافضين وضع الخطيه جوأهم..شمشون انتصر وهو اعمى وهو مسجون وهو مقيد فى سفر القضاه ماتقلش ولا مره كلمه (فقال الله لشمشون).. ولكن الله اداله نصره لأنه رفض وضعه..لكن بنفس حالته الصعبه ربنا اداله الانتصار...احنا اه وحشين اوى والنجاسه مليانه والضعف مالينا بس عاوز اطمنك ( مافيش بلد بتبقى بتحارب بلد إلا لو البلد اللى بتتحارب دي فيها خير) انا وانت مش بنتحارب علشان وحشين احنا بنتحارب علشان جوانا خير عاوز يخده عدو الخير..قوله يارب حارب حربى قوله يارب علم ايدي القتال قوله يارب خلينى رجل حرب..قوله يارب حتى لو مت فى ميدان الحرب خلينى اموت بشرف
