|
 |
 |
 |
|
رقم المشاركة : ( 1 )
23 - 12 - 2016, 10:22 AM
|
|||||||||||
|
|||||||||||
|
كلام موجهه للرجاله ...... للرجاله وبس في جزء داخلي في البنت بتحب تسمع كلام حلو... تعليق علي شياكتها وجمالها وشطارتها وذوقها .... ثناء علي وقفتها وشغلها ومساندتها ودورها.... الكلام ده بيظبط نفسيتها..بيعلي ثقتها بنفسها احساسها إنها محبوبه...مطلوبه..مهمه عند اللي حواليها  الأب... الأخ... الزوج..الابن...دي مهمتكم البنت في كل مراحلها محتاجه تسمع الكلام ده من الراجل من أبوها وحنيته واهتمامه واحتوائه... من أخوها ووقفته جمبها ومشاركته لتفاصيلها وسندها... من زوجها بمغازلتها والثناء عليها ومساندتها.. من إبنها بالمشاركه والثقه في رأيها والعرفان بدورها... أيوه الكلام ده بيفرق معانا جدا... من غيره المزاج مش متظبط .. عصبيه تزيد ... حالات الاحباط والاكتئاب هروب لواقع تاني .. كان في روايات او مسلسلات و افلام رومانسيه او اكل بزياده او شره بزياده ... أي حاجه تملا الفراغ اللي جوا والمصيبه لو راجل غيركم شم الاحتياج ده واستغله... حتي لو البنت بتربيتها واخلاقها ودينها مقدرتش تتجاوب معاه ... هتفضل من جواها بتصارع شعور الاحتياج متخيل مدي حساسيه الأنثى لأي كلمه مجامله أو تقدير أو إعجاب أو ثناء من راجل تاني تخيل كلمه تيجي من راجل غريب عنها وهي في أشد الاحتياج تسمعها منك....  يا أب... يا زوج... يا أخ... يا أبن... إحموا الأنثى اللي حواليكم .... شبعوها تخيل أن في بنت كل ما تدخل علي أبوها يقوملها ويبوسها.... تخيل دي بتعمل إيه في نفسيتها.... تخيل حد يكون مشغول جدا ومينساش التفصيله دي... تخيل يعني إيه تخصصها هي بس بطقس معين في الاستقبال.... تخيل الرساله اللي بتوصلها.. اهميتها وخصوصيتها عنده... تخيل احساسها..وشعورها بالتميز..  مش هدخل في تفاصيل ولمسات حياتك مع زوجتك... لكن لو بصينا بعمق شويه...حقيقي المشاعر مفتاح الأنثى... بدل من الشكوي بأنها مبتسمعش الكلام ولا عنيده او عصبيه او مش مهتمه بنفسها ووزنها.. أو أو أو جرب تشبعها عاطفيا... متتحججش بالوقت ولا بالانشغال..لأن ده كلام فاضي وشغل عيال.. وتيجي بعد كده تشتكي ........ مش بقول كده عشان تبقي خناقه بين كل ست وزوجها وتبينله ان عندها حق في عصبيتها... انا بقول عشان في ستات مش هتقدر تقول الكلام ده للراجل اللى معاها... عشان في بنات مش متجوزه ومحتاجه ده من باباها او اخوها... عشان في زوجات عايشين في صمت وأهي عيشه وخلاص... عشان في رجاله غريبه بتلعب علي الوتر ده... وبيستغلوا البنات عشان تعرف تحمي بنتك..وأختك..ومراتك جرب تشبعها عاطفيا... cpd 
|
| أدوات الموضوع | |
| انواع عرض الموضوع | |
|
العرض الشجري