|
 |
 |
 |
|
رقم المشاركة : ( 1 )
26 - 11 - 2016, 01:37 PM
|
|||||||||||
|
|||||||||||
|
جمله قالها الملاك ل جدعون ف الاصحاح السادس من سفر القضاه .. ف عز ما كان قاعد شايل الهم وخايف من المديانيين اللي ذلوا بني اسرائيل بحسب تعبير الكتاب المقدس .. فجأه شاف قدامه ملاك بيقوله : الرب معك يا جبار البأس !! اي حد مننا لو مكان جدعون هيقول للملاك ( جبار بأس ايه بس ؟ ) .. ده انا طالع عيني وحالي يصعب ع الكافر .. ايامي شبه بعضها وكل الابواب قدام عينيا مسدوده .. وانت جاي تقولي جبار بأس ؟! وده اللي قاله جدعون للملاك .. سأله باستغراب و قاله : .. طب ازاي ربنا معايا ؟ .. وبعدين هو ربنا ملقاش غيري انا ؟ .. ده انا اصغر واحد ف بيت ابي .. ( وكأنه بيعلن ضعفه وقلة حيلته قدام ربنا ) .. وبرغم كل ده .. ربنا باركه وقواه وشجعه لحد ما حارب المديانيين وانتصر عليهم ب 300 واحد بس .. ! .. ف الوقت اللي بتشوف نفسك فيه ضعيف ومهزوم .. ربنا بيشوفك بطل عظيم .. ف اللحظه اللي بتحس فيها انك مالكش حد تتسند عليه ومالكش ضهر يحميك من الظروف الصعبه اللي بتعيشها .. ربنا بيقولك انه معاك .. بيقوي قلبك ويشدد نفسك ويطمن روحك الخايفه .. بيقولك متخافش .. انا جنبك وف ضهرك وانت تقدر .. تقدر ع المستحيل طول ما انت معايا .. مش عايزك تصغر ف عين نفسك ولا تحس انك ضعيف .. مش عايزك تخاف او تتكسر .. انت ف عيونه بطل .. انت ف عيون ربنا جبار بأس .. الرَّبُّ مَعَكَ يَا جَبَّارَ الْبَأْسِ <3 ! 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| جدعون الرب معك يا جبار البأس |
| «الرب معك يا جبار البأس» قض٦ |
| انا معك يا جبار البأس |
| الرب معك يا جبار البأس |
| الرب معك يا جبار البأس |
العرض الشجري