انواع الرجاله
1_ نوع اتربى على انه ميعبرش عن مشاعره لانها ضعف
و ده حله في ايد مراته
براحة عليه والله هيكون زي الفل
وهيبعتلك دباديب و قلوب كمان
2_ و نوع اتربى على ادبحلها قطه
و ده حله انه يتجوز واحدة مطيعة لأبعد حد و صبورة
و انه يكون اهم واحد عندها جوزها
اما لو بتحب تتناقش و ترد و تتفاهم
فدول الجيران هيسمعوا صوتهم كل يوم
3_ و في نوع من الرجالة اتربى على عدم المسؤولية
اللي امه كانت بتعمله الواجب لما ميعملوش عشان المدرسة متقولوش كلمه
و ده اللي امه كانت بتوديه الامتحانات في ثانوي
وتقعد قدام اللجنة تعيط و صعبان عليها
و تأكله في بؤه و هو بيذاكر عشان يا عيني في ثانوية عامة
ده ملوش حل طول ما امه عايشة (ربنا يديها الصحة و طول العمر)
و عمره ما كان الحل انك تشيلي مسؤولياته
عاوزه الشخص ده و بتحبيه وامه ماتت (ربنا يرحمها)
اتعلمي تفطميه
متشيليش مسؤولياته لانك في يوم هتتفجري
4_ و في نوع بتاع الستات
اللي متملاش عينه مراته و لا الف ست كمان
(ده رأي الستات ملناش دعوة به يا موهيي)
مفيش راجل كده
في راجل محتاج اهتمام اكبر
محتاج ست ذكية
تعرف تقلباته و افكاره المجنونة
عشان ميقضيهاش نزوات
5_ و في راجل محترم و ذوق جدا و ابن ناس
(دول فئة مندسة ملناش دعوة بيها)
ده عشان يفضل كده معاكي طول عمره
لازم تكوني ذوق معاه ومحتاج التقدير باستمرار
6_ و في نوع متجوز و مقضيها مع صحابه على القهاوي
ده تحس انه اتجوز غصبا عنه
ملوش في الجواز و رغي الستات و زنهم
(ده وجهة نظره ملناش دعوة بيها)
ده عمره ما هيجي معاكي
الا لو اتجننتي و حسستيه انك صاحبه
تلعبوا بلاي استيشن مع بعض
و متحسسوش انه مقصر
شوية و هيتعود عليكي
وينفض لصحابه
