|
 |
 |
 |
|
رقم المشاركة : ( 1 )
10 - 11 - 2016, 07:49 PM
|
|||||||||||
|
|||||||||||
|
الفتره الاخيره ظهرت موضه جديده عند الرجاله اسمها "ما هو انا رأيى مش بيعجبك يبقي حلي انت المشاكل ولو هدخل هحلها بطريقتي " والستات في الحاله دي بيتقسموا تلت فرق ١-فريق الاول الاستسلام السريع: وده فريق الستات اللي بتحب الهدوء والسلام وفكره الدخول في مشاكل دي فكره مرعبه بالنسبالهم فممكن جدا تضحي بحقها في المشاركه عشان خايفه من المشاكل وتقرر تشيل وتقع وتقوم وتلف حواللين نفسها ومتدخلوش تاني في المشاكل وطبعا بيجي عليها وقت متقدرش تشيل وتقرر ترجع تطلب منه المساعده بس تتفاجئ احيانا بغضب اكبر ومقاومه اكبر وافتقاد تام للغه الحوار وأحيانا تانيه تجاهل ولا أكنه سمع حاجه واحتمالات التعاون بتبقي من اصعب ما يكون فترجع تلم الليله معاه عشان الامور تمشي وتكمل في الدوامه لانها مش حمل المشاكل ٢-الفريق التاني فريق انا اللي هفوز وهوريك : وده فريق الستات المحبه للتحديات اللي عندها قدر كبير من الاستقلاليه في حياتها فبتقرر تشيل وبتبقي حاجه ممتعه بالنسبالها تقع وتقوم وتاخد خبره في الحياه بس ساعات كتير بتقع وتضعف ولو رجعت دورت عليها وخذلها بتقفل الباب وتتطلق وهي حاسه انها قادره وعارفه انها زي ما قدرت علي اللي فات هتقدر علي اللي جاي ٣-الفريق التالت فريق لا انا ولا انت : وده فريق الستات اللي تحمل المسئوليه مش احسن مهاره عندها وتبتدي تهرب من المسئوليه وتكبر دماغها والأطفال هي وحظها وحسب الظروف المحيطه بيها ولما تتفاجئ بالمشاكل بتحلها بشكل عشوائي بسبب افتقاد الخبره وده بيحسسها بالعجز اكتر واكتر وتهرب اكتر وبجد احساس الذنب بيبقي هيموتها بس احساس العجز وعدم القدره اكبر منه طيب ايه الحل ؟؟؟ ١-الرجاله اللي بقالها سنين شايله أيدها وراضيه بكده شيل إيدك بس صعب اوي نقبل رايك ونقدّك وتوجيهاتك بسعه الصدر بعد الشيل ده كله مش بتبقي احسن حاجه طبعا ده حقك بس قبل ما تطالب بحقك شوف واجباتك ايه ؟؟ واللي مش قادر تعمله اعتذر عنه وقدر ان اللي شاله بدالك يستحق الشكر والامتنان مش تبقي شايف تخليك عن المسئوليه تفضل منك حضرتك رب الأسره ومحدش جبرك علي الجواز ولا علي اللي اتجوزتها الواقع دلوقتي ان في بيت انت اللي مسئول عنه قصاد ربنا قبل اي حد تاني فالشخط والتهديد كل ما يطلبوا منك حاجه مش هيساعدكً ولا هيساعدهم غير انك هتبقي بالنسبالهم ازمه فوق الازمه ٢-الستات اللي بقالها سنين ماشيه بدماغها هو مش من حقك تقرري لولادك الفجوه دي ان باباهم يبقي بنك ميبقاش ليه دور في حياتهم ولا حلو ولا وحش ميحسش بشيل الهم عشانهم فأكيد مش هيفرح بالانجاز لانه متعبش مش هينفع كمان لما تطلبي منه المشاركه يشارك بطريقتك وخطتك والاسلوب اللي انت معوداه عليه هيحصل شويه حوادث في الاول تقبليها لحد ما يتعلم وياخد خبره وشويه صبر وتقبل هتعدي ٣-عكس السيطره التعاون لو حسيتي انك عايزه تسيطري ورأيك اللي يمشي يبقي انت كده مش متعاونة ولو حسيتي ان هو اللي بيسيطر يبقي هو كده مش متعاون طيب ايه هي اساسيات مهاره التعاون ؟؟ ١-mind set من الاول كده متقرروش غير لما تسمعوا رأي بعض عشان لو إخدتوا قرار صعب تغيروه ٢-النظام حلو حطوا من الاول بروتكول للتعاون بمعني كراسه صغيره تحديد وقت للمناقشه نمسك الموضوع قبل ما يبقي فيه مشكله ونقول مثلا مشاكل المدرسه الاب : ايه اللي يهمه فيها ايه اللي بيخوفوا فيها ايه خطته للتعامل معاها الام: زي اللي فوق وابتدينا بالأب اهو عشان ميزعلش وبعدين يبتدوا يحطوا صح قصاد اللي موافقين عليه هما الاتنين وغلط قصاد اللي حد فيهم مش موافق عليه وعادي نفكر في بدائل مرضيه للطرفين واحنا محترمين ومتقبلين تماما الاختلاف ♥️ ٣-الاستمراريه الكراسه دي بتبقي موجوده طول الوقت نزود الأهداف والأدوات او حتي نقول انها مبقتش فارقه معانا زي الاول اصل وسبحان الله الناس بتتغير متخيلين كميه التفاهم والتقدير اللي ممكن تحصل لو عملناها صح متخيلين قد ايه هنوفر وقت ومعاناه نفسيه متخيلين قد ايه هتحسوا انكم تستاهلوا بعض بدل ما انتو شايفيين ان محدش يستاهل التاني 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| زوادة اليوم : التعاون المشترك |
| قصة عن التعاون “غابة المحبة والتعاون” |
| بولندا وورطة التعاون مع «سي آي إيه» |
| التعاون في المجال الدراسي |
| التعاون مع الأخرين |
العرض الشجري