رسالة من أحد أبناء نجوى بالخدمه

[روشا الفرفوشه]

رسالة من أحد أبنائك بالخدمه ... وصلتني ليلة الخميس 22 سبتمبر 2016 ...
يوم التلات بليل لما روحت من المستشفي نمت تقريبا حوالي ساعة واحدة شوفت كل اللي حصل النهاردة وشفت ملايكة وقديسين كتير اوي بيعزوني وبيعزو الناس صحيت مخضوض وصليت قولت ل ربنا بلاش ده يحصل يارب الناس كانت ف الحلم تعبانين اكتر من النهاردة لكن القديسين اللي شوفتهم كان علي وشهم بهجة غير طبيعية مش رضيت اقول لحد حاجة لاني مكنتش عايز اقلقهم علي امل ان ده ميحصلش كنت مستني الخبر ده ف اي وقت من بعد الحلم واللي حلمت بيه بيتحقق بنفس التفاصيل صدقني مش عارف ازاي نفس التفاصيل ونفس الوقت وكل حاجة حلمت بيها شوفتها قدامي ماعدا المنظر الرهيب اللي شوفته ف الحلم ملايكة وقديسين بيقولو الحان واصواتهم روعة بيزفو مس نجوي وهي رايحالهم السماء وبعدين وانا مروح الفراش قالي هات فلاشتك معاك بليل وحط عليها وعظات قولتله حاضر وفعلا عملت زي ما قالي والساعة 5 بالثانية كنت جوة الكنيسة قالي خش صلي واطلع جهز الوعظات والقاعة مفتوحة قولتله حاضر انا متعود اني بشوف مس نجوي يوم الخميس ف الالحان دخلت ولاول مرة مشوفهاش موجودة طلعت القاعة ولوحدي بجرب الفلاشة بالوعظات وفجأة الباب لقيته اتقفل لوحده ونور بيملا المكان وملايكة واقفة بيقولو الحان وريحة بخور ومس نجوي ف وسطهم لابسة لبس ابيض وحاطة شال علي راسها و حزام زي بتاع العدرا علي وسطها و وشها منور نور فظيع مرة واحدة لقيت الفراش داخل وف لمح البصر المشهد بيختفي من قدامي و ف الاخر حصل نفس الموقق لكن كانت واقفة وسط الناس وتعبير وشها كانت مستغربة من ايه مش عارف بس علي ما اعتقد من الناس اللي ميعرفوهاش ..... هو ده كل اللي انا شوفته
ارجو انك تصدقني وتصدق ان كل ده حصل وهي كانت واقفة جمبك .....
_ الولد رافض ذكر إسمه ... طوباكي يا من أقمتِ بالضعف ما لا يمكن إقامته بالقوة ...