|
 |
 |
 |
|
رقم المشاركة : ( 1 )
18 - 09 - 2016, 09:29 AM
|
|||||||||||
|
|||||||||||
|
الفرصة المتاخرة!! فى اغنية قديمة للفنان وديع الصافي افتكر معروفة لينا كلنا اسمها ( على رمش عيونها) و انا بسمع الاغنية ركزت اوى فى كوبلية بيقول ايه: ( خدنى شوقى لقيتنى بروح عندها حد تانى سبقنى و خد يدها.. كان حبيبها و غايب بقالو سنة و النهاردة وصل على بختى انا)!!! يعنى الكوبلية ده بيتكلم على ان الشخص ده حب واحدة و اتاخر فى انه يعبر عن مشاعرة ليها و يوم ما فكر يروح يقولها الكلام ده علشان يطلبها للجواز لقى ان حبيبها الى كان مسافر رجع فى نفس اليوم و هو اللى اتقدم او اتجوزها .. طيب ايه علاقه ده بكلامنا ؟؟!!!! طبعا ناس كتير هنا قد تكون اختبرت الموضوع ده .. انك تكون حاسس بمشاعر حلوة ناحية حد لكن حضرتك قاعد ساكت ... واليوم اللى تفكر فيه تروح تفتح الموضوع بيكون فيه حد سبقك او تسمع خبر خطوبتها قبل ما تروح بفترة فتتجرح و تتصدم و تزعل طيب ما هى كانت قدامك .. كنت اتكلمت على الاقل قلت اللى جواك و لو هى انتظرتك شويه لحد ما تظبط امورك فأوك يكفيك شرف المحاولة انما انت قاعد و فى قلبك كلام كبير اوى و مشاعر اكبر لكن ساكت!!! المعادلة هنا بتبقى عاملة ازاى..؟ بص انتوا الاتنين مشاعركم حلوه ناحية بعض فهى قاعدة مستنية حضرتك تتكلم فا انت مش بتتكلم فا اى حد هيتقدم هيكسب او على الاقل ممكن ترتاحله و تقبل تتخطب ليه.. طيب وانت؟؟ انت قاعد ساكت.. انت المسؤل طيب ده مش معناة انك مش جاهز خالص للجواز و تروح تفتح موضوع مع البنت اللى بتحبها ... لا مش كده خالص ... بس على الاقل قول خطتك ايه طالما انتوا الاتنين بتحبوا بعض لكن اول خطوة عند حضرتك مش هقولك اسمع الاغنية طبعا .. لكن براحتك لكن عندى قصص كتير اوى لناس خسرت بسبب سكوتها و ناس اكتر خسرت بسبب انها فهمت الامور غلط و اتسرعت و فتحت مواضيع مش وقتها او مع الشخص الخطأ محتاجين شوية حكمة و عقل ونختار امتى نتكلم وامتى نسكت خالص 
|
| أدوات الموضوع | |
| انواع عرض الموضوع | |
|
العرض الشجري