بحبك....

[walaa farouk]

بعد 6 اسابيـــع : بحبك بحبك بحبك ... بحبك
بعد 6 شهـــور : اكيد بحبك
بعد 6 سنيــــن : يا ساتر ! يعنى لو مش بحبك كنت هتجوزك ليه ؟؟؟

********************

* بعد الشغل *

بعد 6 اسابيـــع : حبيبتى انا جيت من الشغل .
بعد 6 شهـــور : انا رجعت .
بعد 6 سنيــــن : فين الاكل ؟؟

*******************

* جرس التليفون * :

بعد 6 اسابيـــع : حبيبتى فى حد عايزك على التليفون
بعد 6 شهـــور : التليفون ده ليكى
بعد 6 سنيــــن : ما تردى ! .. انا عندى صداع

********************

* وقت الغـــــدا * :

بعد 6 اسابيـــع : مكنتش اعرف ان نفسك حلو اوى كدا
بعد 6 شهـــور : عاملة ايه النهاردة ؟
بعد 6 سنيــــن : بامية تانى ؟

***********************

* لما تشترى فستان جديد * :

بعد 6 اسابيـــع : مبروك يا حبيبتى هياكل منك حتة
بعد 6 شهـــور : انتى جبتى فستان جديد تانى ؟
بعد 6 سنيــــن : هممممم بكام ؟

***********************

* لما يتفرجوا على فيلم *:

بعد 6 اسابيـــع : تحبى نشوف فيلم ايه ؟
بعد 6 شهـــور : متقلبيش المحطة انا عايز الفيلم ده
بعد 6 سنيــــن : انا رايح السينما نامى انتى بقى

**********************

* لما تعزم اصحابها * :

بعد 6 اسابيـــع : وماله .. اهلا بيهم فى اى وقت
بعد 6 شهـــور : انتى كل اسبوعين هتعزميلنا حد ؟
بعد 6 سنيــــن : يووووه . ده مبقاش بيت

**********************

* فى العيــــــد * :

بعد 6 اسابيـــع : حبيبتى الكحك والبسكوت بره على السفره
بعد 6 شهـــور : مش واجب بقى مامتك تجيب لنا الكحك ؟
بعد 6 سنيــــن : مش لازم كحك السنة دى .. انتى تخنتى اوى

********************

* وهى رايحة للدكتور * :
بعد 6 اسابيـــع : حبيبتى قوليلى قبلها عشان اعمل حسابى فى الشغل
بعد 6 شهـــور : خدى مامتك ولا حد من صحابك
بعد 6 سنيــــن : دكتور دكتوووووووور .. مانتى زى البمب اهو

******************

* المولود * :

الاول : زى القمر .. شبهك
المولود التانى : شبه اخوه
المولود التالت ياريت تخلى بالك المره الجاية

******************

* لما يروحو السوبر ماركت * :

بعد 6 اسابيـــع : تحبى تروحى انهى سوبر ماركت يا حياتى ؟
بعد 6 شهـــور : وماله عم انور البقال ؟
بعد 6 سنيــــن : انتى بتودى الاكل فين ! ؟

***********************

* لما ييجى عيد ميلادها *:

بعد 6 اسابيـــع : معلش كان نفسى اجيبهولك الماظ
بعد 6 شهـــور : خدى 50 جنيه وهاتى اللى انتى عايزاه
بعد 6 سنيــــن : مش عيد ميلادك كان السنه اللى فاتت ؟؟ .. هو كل سنة ولا ايه !؟