|
 |
 |
 |
|
رقم المشاركة : ( 1 )
10 - 08 - 2016, 04:51 PM
|
|||||||||||
|
|||||||||||
|
أول فترة في اي علاقة , بتبقي أحلي فترة فيها .. فترة الجنون و الدلع .. الفترة اللي كل واحد بيحاول بكتشف التاني و يقرب منه بطريقته , بيحاول يتملي بيه سواء بافكاره و بكلامه أو بطموحاته و احلامه .. ففي شغف مشترك بين الأتنين أنهم يبقوا مع بعض وقت أطول و بشكل مستمر .. فالاتنين حرفيا عاوزين يتملوا من بعض ! .. لكن مع الوقت بيحسوا أن ايه ده ؟! خلاص كدة ؟!! .. ده أنا فهمت كل حاجة فيها , و هي عرفت كل حاجة فيا ؟! و بعدين ؟! فين ايام ما كنا بنشتاق اننا نشوف بعض .. ايام ما كنت لما اسمع صوتها يبقي اعجاز و أنجاز , لما كنت بخرج معاه يبقي احلي يوم في حياتي .. فين الاشواق الملتهبة و المشاعر الفياضة ؟! فين الحب بتاع الايام الأولي ؟؟ الحقيقة , أن الحب اللي بجد هو اللي بعد الفترة الأولي دية ,, عمنا Louis de Bernières بيقول في روايته Captain Corelli's Mandolin : " .. الحب جنون مؤقت، يثور كالبركان ثم يخمد. وعندما يخمد، عليك أن تتخذ قرارًا وأن تعرف ما إذا كانت جذوره اتحدت ببعضها وأصبح من المستحيل اقتلاعها، أم أنها ما تزال ضعيفة. لأن الحب هو الجذور !! . الحب ليس انخطاف الأنفاس، ليس الإثارة، ليس إصدار الوعود والمواثيق الأبديّة، ليس الرغبة في القبض على كل دقيقة وثانية في اليوم، ليس الاستلقاء ليلًا وتخيّل محبوبك وهو يقبّل كل جزء من جسدك. لا، لا تحمر خجلًا. أنا أخبرك بالحقيقة. هذا كله يجعلك فقط "واقعًا في الحب"، وهذا ما يستطيع أن يفعله أي مغفل آخر... لكن الحب في ذاته هو ما يبقى بعد اختفاء شعور الوقوع في الحب .. " حد خد باله ؟ من جملة " لأن الحب هو الجذور " ! .. فهو ده بالظبط الحب , الجذور !! .. الجذور اللي بتفضل تكبر و تتغرس جوانا طول الفترة الحلوة اللي في الأول ديه ,, الجذور اللي لو مكانتش بالقوة الكافية انها تقدر ترجعنا تحت اي ضغط او شك , تبقي جذور مزيفة او ضعيفة ! .. الجذور اللي مش مستنيه خروجة عشان تتسقي بيها او مكالمة تليفون عشان تعيد حيوتها ! .. الجذور اللي مهما طال عمر العلاقة ديه أو اتعرضت لصعاب او مشاكل .. حتفضل موجودة بقوة و عنف .. ! كيرلس بهجت 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| وظيفة الجذور في النبات |
| من هذه الجذور لا يخرج إلا الخير |
| العلاج من الجذور |
| الجذور المدفونة |
| ما أحلى العودة إلى الجذور ! |
العرض الشجري