كل واحد يشارك بوجهة نظره

[بنتك انا]

ده تقريبـا أول موضوع اعمله في القسم ده بينـاقش مشكلهة

فكرت كتيــر في موضوع اتكلم فيــه ، لاقيت موضوع منتشــر ولكـن بدرجــات بين

البشــر ، وهو






من خلال خبرات و مواقف مرت بيهــا شايف ان الاحسـاس بالنقص ده اقوى من الكدب أو الغش أو .. أو ...ـ

لانه الاحساس بالنقص بيخلي صاحبـه يكدب و يخدع و يغش و ويتظاهر ويحقد و يظلم


واللي بيبقى مريض بالصفة دي - اسفة هسميها مرض - دايما تلاقيه عنده احساس انه اقل من غيره في كل شئ

يعنى على سبيل المثال في الشكل او في التفكير او المستوى العلمي وغيــرها

انا في حياتي طبعا قابلت ناس كتير عندهم دايما الاحساس بالنقص سواء

من اصحابي او من قرايبي

النقطة دي بالحقد على غيره ، بالغش و الخداع ،

بالكدب ، وغيـرها من اقبح الصفات و الاخــلاق اللي ممكن تكون في انســان

واتخدعت في نـاس كتير جدا بسبب انهم عندهم الاحساس بالنقص

وعلى فكرة الاحساس بالنقص مش مرتبط بالضرورة مثلا بالحالة المادية يعنى الغنى او الفقر

او العقلية او المستوى العلمي ، لا انا لاحظت انه مرض - مرض نفسي - يعنى تلاقي انسان غني

ومهما ربنـا اعطاه فلوس برضه عنده احساس بالنقص و هكـذا ....

انا عاوزكم تشــاركوني الرأي من خلال خبراتكم اللي عشتوها خاصة ان فيه ناس في المنتدى هنا دارسة علم نفس واجتمــاع

وكل واحد يشارك بوجهة نظره و تجربته في الموضوع ؟ وازاي نقدر نعالج المرض ده - ده لو ليه علاج او حتى نقلل منه - ؟

و ازاي نقدر نتعامل مع الشخص ده ؟

وفي النهاية اتمنى اني ما كونش طولت عليكم ويكون الموضوع عجبكم