|
 |
 |
 |
|
رقم المشاركة : ( 1 )
30 - 06 - 2016, 09:33 PM
|
|||||||||||
|
|||||||||||
 ﺍﺗﺠﻮﺯﻱ ﻟﻤﺎ ﺗﺤﺴﻲ ﺇﻧﻚ ﻣﻤﻜﻦ ﺗﺼﺤﻲ ﻣﻦ ﺃﺣﻠﻰ ﻧﻮﻣﺔ ﻓﻲ ﻋﺰ ﺍﻟﺒﺮﺩ ﻋﺸﺎﻥ ﺗﻌﻤﻠﻴﻠﻪ ﻛﻮﺑﺎﻳﺔ ﺷﺎﻱ ﻭﺍﻧﺘﻲ ﻣﺒﺴﻮﻃﺔ ﻣﺶ ﻭﺍﻧﺘﻲ ﺑﺘﻘﻮﻟﻲ ﺑﺎﻟﺴﻢ ﺍﻟﻬﺎﺭﻱ .. ﺍﺗﺠﻮﺯﻱ ﻟﻤﺎ ﺗﻼﻗﻲ ﻧﻔﺴﻚ ﺗﻘﺪﺭﻱ ﺗﺴﺘﺤﻤﻠﻲ ﻋﺼﺒﻴﺘﻪ ﻭﺗﻜﺸﻴﺮﺗﻪ .. ﺍﺗﺠﻮﺯﻱ ﻟﻤﺎ ﺗﻼﻗﻲ ﻧﻔﺴﻚ ﻋﺎﻳﺰﺓ ﺗﺨﺮﺟﻲ ﻭﺗﻤﻨﻌﻲ ﻧﻔﺴﻚ ﻣﻦ ﺍﻟﺨﺮﻭﺝ ﻋﺸﺎﻥ ﺗﻘﻌﺪﻱ ﻣﻌﺎﻩ .. ﺍﺗﺠﻮﺯﻱ ﻟﻤﺎ ﺗﺤﺴﻲ ﺇﻧﻚ ﺗﻘﺪﺭﻱ ﺗﻀﺤﻜﻲ ﻋﻠﻰ ﻧﻜﺘُﻪ ﺍﻟﺒﺎﻳﺨﺔ .. ﻭﺗﻼﻗﻴﻬﺎ ﺗﻌﺠﺒﻚ .. ﻟﻤﺎ ﺗﻼﻗﻲ ﻧﻔﺴﻚ ﻣﺨﺘﻠﻔﺔ ﻣﻌﺎﻩ ﻓﻲ ﺍﻟﺮﺃﻱ ﺑﺲ ﻣﺶ ﻋﺎﻳﺰﺓ ﺗﻌﺒﺮﻱ ﻋﻦ ﺭﺃﻳﻚ ﻋﺸﺎﻥ ﻣﺘﻀﺎﻳﻘﻴﻬﻮﺵ .. ﻟﻤﺎ ﺗﻼﻗﻲ ﻧﻔﺴﻚ ﻣﺴﺘﻌﺪﺓ ﺗﻀﺤﻲ ﺑﺸﻐﻠﻚ ﻋﺸﺎﻥ ﺗﻘﻌﺪﻱ ﻓﻲ ﺍﻟﺒﻴﺖ ﺗﺮﻳﺤﻴﻪ ﺃﻭ ﺗﺴﺎﻓﺮﻱ ﻣﻌﺎﻩ ﻟﻤﻜﺎﻥ ﺑﻌﻴﺪ .. ﻟﻤﺎ ﺗﺤﺴﻲ ﺇﻧﻚ ﻣﻤﻜﻦ ﺗﻄﻠﻌﻲ ﻣﻦ ﺑﻴﺖ ﺃﻫﻠﻚ ﺍﻟﻠﻲ ﻋﺸﺘﻲ ﻓﻴﻪ ﻣﺶ ﺃﻗﻞ ﻣﻦ 20 ﺳﻨﺔ ﻋﺸﺎﻥ ﺗﻌﻴﺸﻲ ﻣﻌﺎﻩ .. ﻟﻤﺎ ﺗﺤﺴﻲ ﺇﻧﻚ ﻗﺎﺩﺭﺓ ﺗﺴﺘﺤﻤﻠﻴﻪ ﻟﻤﺎ ﺗﺤﺴﻲ ﺇﻧﻚ ﻗﺎﺩﺭﺓ ﺗﺘﻨﺎﺯﻟﻲ ﻋﻦ ﺟﺰﺀ ﺃﺣﻼﻣﻚ ﻭﻃﻤﻮﺣﺎﺗﻚ _ ﺃﻭ ﺣﺘﻰ ﻛﻠﻬﺎ _ ﻋﺸﺎﻥ ﺗﺒﺴﻄﻴﻪ .. # ﺃﻣﺎ _ ﺃﻧﺖ _ ﻋﺰﻳﺰﻱ _ ﺍﻟﺸﺎﺏ : ﺍﺗﺠﻮﺯ ﻟﻤﺎ ﺗﺤﺲ ﺇﻧﻬﺎ ﺗﻜﻔﻴﻚ ﻋﻦ ﻛﻞ ﺳﺘﺎﺕ ﺍﻟﺪﻧﻴﺎ .. ﻟﻤﺎ ﺗﺤﺲ ﺇﻥ ﺃﻛﻠﻬﺎ ﺣﻠﻮ ﻣﺶ ﻻﺯﻡ ﻳﻜﻮﻥ ﺯﻱ ﺃﻛﻞ ﻣﺎﻣﺘﻚ .. ﻭﺇﻧﻚ ﺗﻘﺪﺭ ﺗﻬﺰﺭ ﻣﻌﺎﻫﺎ ﺯﻱ ﺃﺧﺘﻚ .. ﻭﺇﻧﻚ ﺷﺎﻳﻔﻬﺎ ﺣﻠﻮﺓ ﺃﻛﺘﺮ ﻣﻦ ﺍﻯ ﺣﺪ .. ﻭﺇﻧﻚ ﺗﻘﺪﺭ ﺗﺤﻜﻴﻠﻬﺎ ﺃﺳﺮﺍﺭﻙ .. ﺍﺗﺠﻮﺯ ﻟﻤﺎ ﺗﺸﻮﻓﻬﺎ ﺭﺍﺟﻌﺔ ﻣﻦ ﺑﺮﺓ ﺳﻮﺩﺍ ﻭﻣﺮﻫﻘﺔ ﻭﻫﻠﻜﺎﻧﺔ ﻭﺑﺮﺿﻪ ﺗﺸﻮﻓﻬﺎ ﺣﻠﻮﺓ .. ﺍﺗﺠﻮﺯ ﻟﻤﺎ ﺗﺤﺲ ﺇﻧﻚ ﺗﻘﺪﺭ ﺗﺴﺘﺤﻤﻠﻬﺎ ﻓﻲ ﺣﺎﻻﺕ ﺍﻛﺘﺌﺎﺑﻬﺎ ﻭﻧﻜﺪﻫﺎ ﻭﺯﻋﻠﻬﺎ .. ﺍﺗﺠﻮﺯ ﻟﻤﺎ ﺗﻼﻗﻲ ﻧﻔﺴﻚ ﻣﺶ ﻓﺎﺭﻗﺔ ﻣﻌﺎﻙ ﻫﻲ ﻃﻮﻳﻠﺔ ﻭﻻ ﻗﺼﻴﺮﺓ .. ﻭﻻ ﺗﺨﻴﻨﺔ ﻭﻻ ﺭﻓﻴﻌﺔ .. ﻭﻻﻣﻨﻜﻮﺷﺔ ﻭﻻ ﻣﺴﺮﺣﺔ .. ﺍﺗﺠﻮﺯ ﻟﻤﺎ ﺗﺤﺲ ﺇﻧﻚ ﺗﻘﺪﺭ ﺗﺴﺘﺤﻤﻞ ﺭﻏﻴﻬﺎ ﻭﻟﻜَّﻬﺎ ﻭﺻﺪﺍﻋﻬﺎ ﺣﺘﻰ ﻟﻮ ﻛﺎﻧﺖ ﺑﺘﺤﻜﻴﻠﻚ ﻋﻦ ﺧﻂ ﺳﻴﺮ ﻋﻔﺎﻑ ﺯﻣﻴﻠﺘﻬﺎ ﻣﻦ ﺃﻭﻝ ﻣﺎﺗﺼﺤﻰ ﻣﻦ ﺍﻟﻨﻮﻡ ﻟﺤﺪ ﻣﺎﺗﻨﺎﻡ ﺑﺎﻟﻠﻴﻞ .. ﺍﺗﺠﻮﺯ ﻟﻤﺎ ﺗﺴﺘﺤﻤﻞ ﻏﻴﺮﺗﻬﺎ .. ﻭﺻﻮﺗﻬﺎ ﺍﻟﻌﺎﻟﻲ ﻭﻧﺮﻓﺰﺗﻬﺎ .. ﺍﺗﺠﻮﺯ ﻟﻤﺎ ﺗﻘﺪﺭ ﺗﺸﺎﺭﻛﻬﺎ ﺃﺣﻼﻣﻬﺎ ﻭﺗﺴﺎﻋﺪﻫﺎ ﺗﺤﻘﻘﻬﺎ ﻭﺗﺸﻮﻑ ﻧﺠﺎﺣﻬﺎ ﻣﻦ ﻧﺠﺎﺣﻚ .. ﺍﺗﺠﻮﺯ ﻟﻤﺎ ﺗﻼﻗﻲ ﻧﻔﺴﻚ ﺧﺎﻳﻒ ﻋﻠﻴﻬﺎ ﻭﺑﺘﺨﺎﻑ ﺗﺠﺮﺣﻬﺎ ﺃﻭ ﺗﺄﺫﻳﻬﺎ .. ﻣﻦ _ ﺍﻷﺧﺮ ﺍﺗﺠﻮﺯﻭﺍ ﻟﻤﺎ ﺗﻼﻗﻮﺍ ﺭﻭﺡ ﺗﺴﺘﺮﻳﺤﻮﻟﻬﺎ .. ﺑﻌﺪ ﻣﺎ ﻓﻜﺮﺕ ﻓﻲ ﻛﻞ ﺩﻩ ﻻﻗﻴﺖ ﺇﺟﺎﺑﺔ ﺳﺆﺍﻝ ( ﺍﺗﺠﻮﺯ ﻟﻴﻪ؟ (!! ﺍﺗﺠﻮﺯ ﻋﺸﺎﻥ ﺗﺰﻳﺪ ﺃﺳﺒﺎﺏ ﺳﻌﺎﺩﺗﻚ .. ﺍﻟﺠﻮﺍﺯ ﻣﻦ ﻭﺟﻬﺔ ﻧﻈﺮﻱ ﻭﺳﻴﻠﺔ ﻟﺘﺤﻘﻴﻖ ﺍﻟﺴﻌﺎﺩﺓ ﻣﺶ ﻫﺪﻑ . ﺍﻟﺠﻮﺍﺯ ﺳﻜﺔ _ ﺳﻔﺮ ﻻﺯﻡ ﻧﺴﺎﻓﺮ ﻓﻴﻬﺎ ﻭﺍﺣﻨﺎ ﻣﻄﻤﻨﻴﻦ ﻭﻣﺴﺘﺮﻳﺤﻴﻦ .. ﻋﺸﺎﻥ ﻣﺤﺪﺵ ﻳﻘﺪﺭ ﻳﺮﺟﻊ ﺍﻟﻤﺴﺎﻓﺔ ﺍﻟﻠﻲ ﻣﺸﻴﻬﺎ ﻣﻦ ﺃﻭﻝ ﻭﺟﺪﻳﺪ .. اتجوزوا لما تكونوا قادرين تبوسوا ايد بعض ف اى وقت لانها بوسه احترام وتقدير وحب ^^ 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| اتجوز امتى ؟ |
| اتجوز...اتجوزى.. امتى؟؟ |
| اتجوز ليه |
| اتجوز ليه |
| الحق اتجوز قبل سن الـ 25 |
العرض الشجري