انا عايز ابو رمحين يرضى عليا

[walaa farouk]

تحكى تماڨ إيـريـنـي تقول :
كان غـفـير الأرض القـبلية فى كـريـر راجل عـربـى
و بيسبب دايماً مشاكل كتيرة
و فى يوم طلب مبلغ كبير أوى

قعدت أصلى لربنا طول الليل و أعاتب الشهيد أبى سيفين
و أقوله : دى أرضك .. إتصرف

تانى يوم
الغفير راح مكتب المحامى بتاعنا
و قاله : هات راسك أبوسها و حقك عليّا

و لما سأله إيه الحكاية

قال : أنا عاوز أبو رمحين يرضى عليّا

أنا لما جيت أنام إمبارح لقيت ظابط منير بـرمحين صحانى

و قالى : قوم على حيلك
قلت له : حاضر .. حاضر يا أفندم
و قمت منطور من مكانى و ضربت له سلام

قالى : عارف أنا مين ؟
قلت له : لا يا أفندم

قالى : أنا أبو سيفين صاحب الأرض .. و أنا أبو الراهبات
وحكى لى إنه إستشهد على اسم المسيح
و انه نال عذابات كتيرة و حكى لى قصة السيف التانى

و فى الآخر .. قالى و بـشــدة
تمـشـى كـويــس أبـســطــك و تـشــوف خـــــيـر كـتــيـر
تضر أرضى و تتعب بناتى هزعلك و هتشوف متاعب كتيرة

فقلت له : خلاص حرمت أنا همشى تمام

ثم اختفى من أمامى فى لمح البصر

ماقدرتش أنام و قعدت استنى طلوع الشمس علشان اجى اعتذر لكم

و فعلاً من يومها مشى كويس
و كل مايتعوج .. نفكره على طول بالشهيد أبى سيفين و الكلام اللى قاله

فليتمـجد إسـم الرب فـى قـديسيه
بركة شفاعة و صلوات تماڨ إيـريـنـي † Tamav Irene
و الشـهيد العظيـم أبـى سيـفين فيـلوباتير مـرقوريوس
تـكــون مـــع جـمـيــعـنــــا آميــــــــن