فى يوم من الايام زى اى يوم صحيت الصبح فطرت ودخلت على النت صديقى الوحيد والمميز لانة بيوفرلى متعة خاصة وفى اى وقت وزى ما انا عايز .
دخلت على المواقع والرسايل اللى عمرها ما كانت تليق بابن المسيح بعد كدة اتغديت ونزلت مع اصحابى وطبعا اكيد انتوا عارفين اصحاب واحد زيى هايكونوا ازاى .
شرب سجاير ومخدرات واى حاجة ممكن تتصوروها وطبعا بدل ما المسيح يكون معانا كنا حاطين مكانة الشيطان اللى كان فرحان جدا بان شلتنا بتكبر يوم عن يوم لما روحت البيت كنت تعبان جدا ومن كتر التعب نمت بهدومى وفى نومى دة حلمت حلم غريب وعجيب ... انا قاعد فى مكان واسع و كبير و فجاة دخلت عليا واحدة سنها 22 سنة وشها جميل اوى ولابسة ابيض فى ابيض وحزام ازرق طويل فى وسطها لكنها كانت بتبكى دموع تملى بحر كبير . سالتها على طول انتى لية بتبكى ؟؟؟ قالتلى ابنى انت بتجرح فية ومش راضى تتغير. لانك لو اتغيرت ابنى هايخف من جروحة وارجع اشوف وشة الحلو تانى .
حرام عليك ابنى بصيت بعيد لاقيت راجل شعرة طويل بينزف دم لدرجة انة عامل نهر بيسرى فية الدم اللى بينزل منة ملامحة مش واضحة الجروح مغطياها واكيد ابقى غبى لو معرفتهوش مين هو ...قمت مفزوع وكلمة حرام عليك ابنى بترن فى ودنى قررت انى لازم اغير نفسى وارجع للمسيح
14 - 05 - 2012, 07:50 PM
العرض الشجري