كيف تصبحين زوجة

[روشا الفرفوشه]

كيف تصبحين زوجة (دلوعة .. .متهنية ... عندها حظ .. ) في 20 خطوة ...
1- كوني مسهوكة
2- من day 1 انت مبتعرفيش تطبخي وهتيجي علي نفسك علشانة
3- من day 1 انتي دمعتك قريبة وأي حاجة بتجرحك ومخك صغير وقماصه
4- انت مبتعرفيش تاكلي من غيره ولا تتنفسي من غيرة وبيجيلك اكتئاب, فمع أول نزولة ليه علي القهوة لازم يجيلك غيبوبة سكر وتمرمطية في المستشفيات علشان اتأخر عليكي ( ابقي اتعشي حلو وخدي شريط جلوكوفاج هيقوم بالواجب)
5- كوني مسهوكة
6- انت مضحية براحتك علشانه والعيشة دي مش بتاعتك( حتي لو كنتي ساكنة تحت الكوبري قبل الجواز ) , ومفيش مانع من المن والأذي كل يومين تلاتة والتذكير بتضحياتك
7- انت مبتعرفيش تقتلي صراصير ولا تطاردي حشرات .. ولا بتركبي أنابيب .. ولا بتصلحي كوع حنفية .. ولا بتسلكي بلاعات .. ولا بترمي زبالة .. ولا بتعدلي المايلة (باسم الحب) .. انتي خايبة وهو اللي بيعمل كل حاجة
8- انت من زمان وانت مجهودك علي قدك وبتعلقي محاليل كل اتنين وخميس ومبتشيليش حاجات تقيلة ولا بتوطي (حتي لو مش حامل ) ولما بتنظفي الشقة بتدوخي وضغطك بيعلي أو بيوطي (معرفش ايه العلاقة بس هما بيعملوا كده 😂 )
9- خلي صوتك مستفز وطريقة كلامك باردة ومطي في الكلام كده ووطي صوتك وقولي (تؤتؤ مش بعرف)
10 - اذكرك بالسهوكة ...
11- انتي حساسة أوي وكل الكلام اللي بيتقال حواليكي بيأثر فيكي فلازم هو يعمل حسابة وكل ما تروحوا مكان يحذر كل الناس ياخدوا بالهم من كلامهم وتصرفاتهم علشان (البرنسيسة)
12- مفيش حاجة اسمها (كبري مخك) , متعديش اي حاجة ولو صغيرة .. عيطي .. اتشحتفي .. اتسهوكي .. اطلبي منه يجيبلك حقك حتي لو انتي واخداه تالت ومتلت .. بس انتي مستنية (دكر حياتك ) هو اللي ياخدلك حقك ...
13- استغلية مادياً بكل الطرق .. متعديش مناسبة غير وهو معبر ليكي عن حبه .. وانت معوداه اكيد علي ان التعبير دايما بهدايا ..
14- الخلاط والمكنسة وغسالة الاطباق دي مش هدايا يعبر بيها عن حبه .. دي حاجات في بيته .. انما انت اقبلي الهدايا نقدا أو بشيكات .. او في شكل ألماس (علشان انتي مبتلبسيش الدهب .. يااااي بلدي )
15- اتسهووووووووكي علي قد ما تقدري
16- انت مبتكويش هدوم .. الهدوم بتروح ال laundry معروفة
17- انتي بتخافي علي ضوافرك أوي .. ومعاد الكوافير مقدس .. وهو يقعد بعياله وانت تروحي تتغندري بأخر 300 جنية في جيبة عادي .. مش ضروري يقعد علي القهوه (الملكة ) اهم .
18- هما عملوا المطاعم وال delivery علشان انت تدللي .. مش قادرة تطبخي (وانت مبتشتغليش) ايه المشكلة عادي .. معاكي رقم الدليفري ؟؟
19- مشروع الكسوف ده فاااااااااااااشل جدا .. اطلبي اي حاجة نفسك فيها .. او منفسكيش .. متراعيش الظروف , ماهو أصل لو انتي منفضتيش جيوبه أول بأول هيتجوز عليكي .. او هيلاقي وقت يخرج ويتفسح ويهملك
20- أوصيك بالكهن ثم الكهن ثم الكهن ....
السؤال هنا : هل هو هيصدق فعلاً الحاجات دي حتي لو مش فيا ؟؟
- أه وربنا بيصدقوا 😃
بس لو انتوا couple من النوع ده بلييييييز بلاش تعدوا من قدامي علشان انا صحتي علي قدي ومش
حمل عملية مرارة 😂
‪