اعلى درجات الحب

[walaa farouk]

أقصى درجات الحب هو التضحية
انك تضحى بنفسك علشان غيرك والتضحية انواع انت ممكن تضحى بمشاعرك وحبك وتبعد عن حد بتحبة علشان راحته فى بعدك عنه ممكن تضحى بالامتيازات الاجتماعية والترقيات عشان حد بتحبه ممكن تضحى بسنين عمرك فى خدمة ورعاية حد بتحبه إنما أقصى انواع التضحية هى انك تموت عشان تقدر إللى بتحبه ودى محدش قدر يحققها غير يسوع
يسوع بس إللى حقق اعلى درجات الحب ( لأنه هكذا احب الله العالم حتى بذل ابنه الوحيد لكى لا يهلك كل من يؤمن به بل تكون له الحياة الأبدية)(يو 16:3)
يسوع بيحبك جدا اوعى تفتكر انك علشان عايش حياة تعيسة يبقى هو كده مش بيحبك لا طبعا لما تلاقى الشيطان بيوهمك بكده بص للصليب وانت تعرف ربنا بيحبك ولا لا مافيش حد عاش مع ربنا وكانت حياته تعيسة مش معنى انك تعيش مع ربنا انك تبقى راهب لا طبعا فى فرق بين الروح والجسد
الجسد هو إللى بيتجوز وهو إللى بيترهبن لكن الروح دى ملهاش حالة اجتماعية( فاهتمام الجسد هو موت واما اهتمام الروح فهو حياة وسلام ) (رو8:6)
انت بقى عايز روحك تبقى عايشة مع ربنا ولا تبعد عنه وتعيش أسوأ حياة ؟!!
أسوأ انواع التضحية انك تضحى بحب إللى حبك عشان خاطر نفسك