|
 |
 |
 |
|
رقم المشاركة : ( 1 )
31 - 01 - 2016, 09:05 PM
|
|||||||||||
|
|||||||||||
 الكنيسة محتاجة... إللى ينزل من على المنبر ويدخل سفن الصيادين الغلابة إللى الدنيا واخداهم محتاجة... إللى يدخل بيت العشارالمكروه من الناس ويقسم اللقمة معاه محتاجة... إللى يسيب ال 99خروف ويجرى وسط الجبال ورا الخروف الوحدانى إللى ضل محتاجة... إللى يكنس البيت شبر شبر لحد ما يلاقى الدرهم محتاجة .... إللى يفتح حضنه للابن الضال إللى جاى من بعيد مكسوف وميقفلش الباب فى وشه محتاجة.... إللى يقعد يفضفض مع السامرية ويبصلها من جواها محتاجة.... إللى يسند ضعف بطرس حتى لو انكر إيمانه ويشجعه لحد ما يخليه صياد الناس محتاجة... إللى يقرب يوحنا من صدره ويديله مشاعر حب واهتمام محتاجة... إللى يجى مخصوص لتوما إللى قلبه شك ويعمل منه رسول عظيم محتاجة.... إللى يعاتب شاول بمحبة ويصبر عليه لحد ما يبقى بولس محتاجة... إللى يبكى على لعازر لأنه انتن ويمد ايده يطلعه من قبر الخطية محتاجة... إللى يوطى ويغسل ارجل المخدومين وبكل تواضع ومحبة محتاجة... إللى يستر على الزانية ويطبطب عليها ويكسبها بنظرة حب وعتاب متعمليش كده تانى محتاجة إللى يقعد وسط الأطفال ويلعب معاهم ويلامس تفاصيل روحهم محتاجة... إللى يقف فى ضهر المريمات ويكون راجلهم ومعين لهم ومعلم محتاجة... إللى يفضى نفسه ويروح لبيت مريم ومرثا وكأنه صديقهم الشخصى محتاجة.... الى يمسك سوط ويطرد كل إللى بيدنسوا الهيكل محتاجة.... إللى يطهر ويبرر ويحرر ويجول يصنع خير محتاجة... إللى يقف قدام هيرودس ويعلن إيمانه بكل شجاعة محتاجة.... إللى يبعت تلاميذه لكل مكان ويقبل الفلسين برضا وقصبة مرضوضة لا يقصف وفتيله مدخنة لا يطفى محتاجة... الراعى إللى يبذل نفسه عن الخراف ويسلم نفسه للموت من أجل احبائه محتاجة.... إللى يعيش وسط الناس لامس همومهم وحاسسها الكنيسة محتاجة إللى يحس ويسند ويشفى ويهتم ويقوى ويطبطب ويرشد ويعلم ويحب للمنتهى الكنيسة محتاجة خدام ورعاة زى الراعى الاعظم 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| الناس محتاجة صلاة الخليقة كلها محتاجة صلاة |
| التوبة مش محتاجة عُمر لكن محتاجة لقلب |
| انتي مش محتاجة مية انتي محتاجة المسيا |
| الكنيسة محتاجة ايه |
| مش محتاجة غير ... |
العرض الشجري