أصحاب البشرة الدهنية…خلوا بالكم من 5 حاجات دول

[Mary Naeem]

أصحاب البشرة الدهنية…خلوا بالكم من 5 حاجات دول


البشرة الدهنية بتبقى محتاجة عناية ممكن أكتر من أي نوع بشرة تانية، وبيبقى لازم إن مستحضرات التجميل تكون حاجات معينة وبشرتهم ممكن تتأثر بأي حاجة لو مش ماشية مع بشرتهم.
1- غسيل الوش: الناس اللي بتقول إن البشرة الدهنية يتغسل الوش فيها كتير ده أي كلام، تغسلي وشك مرة كل يوم اللي هي هتبقى الصبح، وممكن مرتين في اليوم أخرك يعني، أكتر من كده لأ.
2- الترطيب: البشرة الدهنية محتاجة ترطيب باستمرار، ماتشتريش أي منتج، اشتري حاجات تكون مخصصة وتنفع للبشرة الدهنية.
3- التقشير: الناس بتعمله عشان خلايا الجلد الميتة، بس مش عشان بشرتك دهنية تعملي كل يومين، هي مرة في الأسبوع وخلاص ومش لازم تبقي مواظبة على طول.
4- ماتغيريش المنتجات: الواحد في العادي عشان يلاقي منتجات تكون كويسة لبشرته وشعره، بيفضل دايخ ويجرب 100 حاجة لغاية لما الدنيا تضبط معاه، فا أصحاب البشرة الدهنية، أول لما تلاقوا منتجات بتنفع مع بشرتكم ومرتاحين منها، ماتحاولوش تغيروا لأي منتجات تانية.
5- الميك أب: بالنسبة للـ”باودر” ماتفضليش تحطي منه 100 مرة، عشان وشك يبان مش دهني وإن لونه يبقى متغير، لإن الحقيقة شكلك بيقلب كيكة ساعتها، فا ماتزوديش منه لإنه غلط على الوش الكمية دي كلها وهيرهق وشك.