|
 |
 |
 |
|
رقم المشاركة : ( 1 )
07 - 08 - 2015, 11:03 PM
|
|||||||||||
|
|||||||||||
|
تداريب صوم العذراء - من أبونا داود لمعي  اختار التدريب الي يناسبك ١- صلي ١٥٠ مزمور في ال ١٥ يوم. يبقى كل يوم ١٠ مزامير من الانجيل. ودا لا يعني اني الغي الاجبيه. ٢- نجرب نخدم في صمت. صعب عليكم لان اي حد بيخدم غاوي يتكلم ويقول رأيه ويأوح ويجادل ويقول عملت وسويت ويقول اصلهم مش حاسين بيا. الكلام الفارغ الي بنعمله دا. لأ عاوزين نقعد اسبوعين نجرب نخدم في البيت اولا لان دي خدمة العدرا. وإن كان في الكنيسة او اي حد من الاقارب اي كان نوع الخدمة مننطقش إلا الكلام الكويس طبعاً لكن نخدم في صمت عشان نقرب شوية من جمال امنا العدرا. ٣- ماشي مع شخصية العدرا اللي قلبها مش بيبطل يصلي ان احنا نحاول لو نص يوم. نحاول نقعد فتره فعلا جوانا مش بيبطل كلام مع ربنا. طبعا دي عايزه واحد ساكت. للأسف احنا بنزهق من الوحدة. إنما العدرا كانت تهوى الوحدة. لان بالنسبه ليها تقعد فاضية يعني قاعدة مع ربنا. ازاي الواحد يقعد فترة يتكلم مع ربنا؟؟! صلاة يسوع.. مزامير... يحكي مع ربنا... يتأمل المهم ان جواه بيصلي. اليومين دول عز الصلاة الداخلية. التليفزيون ضد الكلام دا خالص. والحكاوي في السياسة بتبوظ الصوم. فخلينا نخلي ربنا يشتغل هو سياسة واحنا صلاة. ٤- مناسبة طبعاً لكل الصيامات وطول العمر بس عشان الست العدرا تشجعنا التسبحة اليومية. لو في البيت يقعد يسبح. أي تسابيح حتى لو تراتيل حلو بردو. لان التسابيح والتراتيل معناه ان الواحد عايز يعيش الجو الي عايشه فيه امنا العدرا طول حياتها. ٥- تدريب لكل الي بيحبوا يحفظوا او بيحاولوا يحفظوا نحفظ تسبحة العدرا من لوقا 1 من اول كلمة تعظم نفسي الرب. دا مش صعب دول ١٠ ايات نحفظها صم ونقولها كل يوم في صيام العدرا. مش صعبة. يبقى حفظت حاجة في صيام العدرا تفضل طول العمر فاكرها. ٦- الطاعة العمياء بسبب الحب. تعالوا نريح اللي حوالينا اسبوعين وناخد تدريب نقول حاضر لأي حد في اي وقت إلا في حالة الخطية. يعني لو واحد قالك اسرق قوله لأ. غير كدا قول حاضر. وسع، وسع بالذوق. هات دي، قوم هاتها وخلاص. له حق، مالوش حق متتكلمش. تقول حاضر وخلاص. عايزين نتمرن على كلمة حاضر والطاعة لعلنا نقترب شوية من جمال أمنا العدرا. كل سنة وانتم طيبين لإلهنا كل مجد وكرامة الى الابد امين. 
|
|
07 - 08 - 2015, 11:34 PM
|
رقم المشاركة : ( 2 ) | ||||
|
..::| الإدارة العامة |::..
|
رد: تداريب صوم العذراء - من أبونا داود لمعي
ميرسي على التدرايب ربنا يعوض تعب محبتك يا سوسو
|
||||
|
|
|
07 - 08 - 2015, 11:40 PM
|
رقم المشاركة : ( 3 ) | ||||
|
† Admin Woman †
|
رد: تداريب صوم العذراء - من أبونا داود لمعي
بركه صلوات ام النور تفرح قلبك يا ولاء
|
||||
|
|
|
08 - 08 - 2015, 08:19 AM
|
رقم المشاركة : ( 4 ) | ||||
|
† Admin Woman †
|
رد: تداريب صوم العذراء - من أبونا داود لمعي
بركتها تكون معنا ربنا يبارك حياتك |
||||
|
|
|
11 - 08 - 2016, 04:16 PM
|
رقم المشاركة : ( 6 ) | ||||
|
..::| الإدارة العامة |::..
|
رد: تداريب صوم العذراء - من أبونا داود لمعي
ميرسي على التداريب الجميلة
|
||||
|
|
 |
|
العرض العادي
