|
 |
 |
 |
|
رقم المشاركة : ( 1 )
16 - 06 - 2015, 01:33 PM
|
|||||||||||
|
|||||||||||
|
المتنيح ابونا أثناسيوس إبراهيم من ايبارشيه بنها  قيل عن ابونا ده انه اتشاف كتير بيلم الزباله و ينضف حمامات الكنيسه .. طبعا الله ينيح روحه و يقدسها .. انما بيقولوا الغبي هو اللي الحقيقه تبقي قدامه اكتر من مره و مع ذلك يتجاهلها و يكمل طريقه في جهل ! كام مره ربنا شاور لنا علي ناس بسيطه دخلت السما بدون كلكعه ؟ .. كام مره حط لنا ف عيننا أمثلة إنه يحب اللي غلابه بروحهم ( إدرج ابونا فلتاؤس و تماف ايريني و برنابا القس روفاءيل ) .. طب بلاش .. كام مره قالها علنا ف الكتاب المقدس أن الطوبي راحت للمساكين بالروح متواضعي القلب و المزدري و غير المعروف الي آخره ... ! و مع ذلك احنا مسيطر علينا روح شيطان غبي مخلينا فاهمين أننا هنفرح ربنا ب دخولنا الاكليريكيه و ب الخدمه الجامده بقي و يبقي اسمي آمين خدمه ثانوي بنين و المزيكا تدق و انا داخل الخدمه و صوري مع ولادي تملا فيس بوك بقي و انا بالمايوه و نازل معاهم البسين علشان يتعرف اني مقرب لسنهم و أنهم بيحبوني و كده .. أو بقي اقعد اقول أدي الكهنه اللي حبت ربنا بجد مش ابونا فلان اللي عربيته قد الشارع و ابونا علان اللي عنده شاليه ف الساحل و ابونا ترتان اللي عنده البزنس بتاعه و عنده اجنسات و مناحل عسل الي آخره من الكلام اللي يحدفنا لموت ابدي ! عزيزي .. ربنا شاور بدل المره ستين علي طريق السما و قال لك ان يهمه " القلب " ، و قلب ابونا المتنيح ده كان مسكين و غلبان و الدليل انه كان ب يقوم بأقل الأعمال اللي هي وظيفة عامل النظافة.. ف اعمل معروف .. ركز علي الطريق الصح للسما .. نقي القلب .. أخدم الله في صمت .. (صمت) ..(صمت ) .. اسال دوافعك ( انا بعمل كده ليه ؟ انا ليه عاوز الناس تهلل لي و العيال يحبوني و باكل الجو ليه ؟ ) .. و شوف لك هدف صالح و لو هدفك غير صالح تاكد انه كل تعبك قدام ربنا غير مقبول و غير مرئي اساسا!!!! تعرف مره ، كان كاهن الدير صوته وحش بس كان الرهبان ب يصلوا وراه القداس حاجه كده عظمه.. ف يوم تعب و جه كاهن تاني صلي .. و كان صوته بقي حلو .. قعد يطول و يجود و يلحن و الرهبان منسجمين ع الآخر .. آخر اليوم ظهر ملاك لرئيس الدير قال له ازاي متصلوش قداس النهارده ؟ الرئيس قال له ازاي احنا صلينا !!! ( افتح ودنك للجمله الجايه دي انا هسيب لك مسافه بين كلماتها علشان تركز ) الملاك قال له : " مفيش حاجه وصلت لنا السما منكم النهارده ! الكاهن صلي علشان يبين صوته الحلو و الرهبان انشغلوا ب التلحين معاه و نسيوا جوهر الذبيحة .. ربنا بعتني اعاتبك أنكم النهارده مصلتوش " قصه حزينه موجوده ف فردوس الآباء لكن فهمتنا أن لو هدفك راح انت قدام ربنا متوزنش حاجه مهما عملت ! و متشغلش بالك ب الكهنه و الأساقفة و البطاركة اللي عايشين خمس نجوم .. يا عزيزي ، في ناس بتلبس الأسود علشان تهلك بيه .... اهتم ب خلاصك انت فقط ... الزمن ليس في صفك .. و الأيام بالحق شريره . 
|
 |
|
العرض العادي
