ايوة هو دة الضابط

[بنت معلم الاجيال]

ايوه هو ده الضابط اللي اخد القسيس مني
المعجزه دي حصلت فعلا ورواها ابونا يوحنا باقي في برنامج تدبيرك فاق العقول
كان في اب كاهن مسافر لاحد الكنائس للخدمه وهو ماشي بعربيته عطلت في الطريق فوقف ابونا يدور علي وسيلة مواصلات توصله للمكان اللي عايزه وهو واقف علي الطريق شاور لعربيه نقل فوقف السائق وركب ابونا معاه .واثناء الطريق نام ابونا بجوار السائق وكان هذا السائق غير مسيحي فاذ به يوقظ ابونا من نومه فلم يجد اي رد ووجد ابونا لا يُحرك ساكنا ووجد قد مات !!ارتعب السائق وقال في نفسه انا لو مريت علي كمين شرطه هيفكروا اني انا اللي موته وقرر يخلص من ابونا بانه يرميه في السكه علي الطريق ومحدش يعرف اللي حصل ولسه السائق بيفتح الباب عشان يرمي ابونا ظهر السيد المسيح له كل المجد وقال له (الّا خادمي ) ارتعب السائق هو لا يعلم السيد المسيح ولم يفهم الكلام ولكنه
تراجع وادخل ابونا تاني للعربيه ومشي واثناء السير استوقفه ضابط في كمين شرطه وقاله انزل ونزل اللي معاك فخاف من الضابط وحكاله وقاله ده قسيس
انا ركبته معايا ومات وهو في عربيتي وانا معملتش حاجه فاخذ الضابط الاب الكاهن وقال للسائق خلاص امشي انت طبعا السائق مشي فرحان لكنه كان مستغرب للي حصل واخذ الضابط الكاهن واوصله للكنيسه ...لكي يُدفن ولكن السائق ذهب وحكي الذي حدث لكاهن كنيسه قريبه من منزله وان الضابط اللي اخد جثمان ابونا لم يفتح معه اي تحقيق او شيء من هذا القبيل ووجد بالكنيسه ايقونه لمارجرجس وقال لابونا وهو مندهشا ومفزوعا ايوه هو ده الضابط اللي اخد القسيس مني وتركني امشي فضحك ابونا وقاله يا ابني ده مارجرجس قديس عظيم وشهيد وهو وصل جسد ابونا للكنيسه اللي كان بيخدم فيها وكانت علي اسم مارجرجس ايضا
مبارك انت يا رب ومتزايد بركة
ممجد انت يارب ف قديسيك
أفراح القيامة و عيد الشهيد منح سماوية وبركات إلهية لتتمتع بالحب المتبادل من علي الصليب وعلي مذبح الشهادة

[Mary Naeem]

شكرا يا مرمر
الا خادمى

[بنت معلم الاجيال]

ميرسي يا ماري بس هي معجزة مش قصة